fbpx
冬天BB五大爆拆位置!

冬天BB五大爆拆位置!

冬天天氣乾燥,加上室內開暖風機或冷風吹, BB常外露嘅位置如面頰、嘴唇邊、手腳皮膚出現甩皮、繃緊同發紅等爆拆症狀,經常周身郁或抓損,反映BB皮膚嘅保護屏障出問題,常見係皮膚缺乏水份、唔夠滋潤造成。
BB出現爆拆未必只係痕癢或甩皮咁簡單,嚴重嘅可引致濕疹甚至細菌感染,之後更難治好!所以媽媽千祈唔好掉以輕心,立即睇下有咩要注意啦~

閱讀全文

面頰:
BB皮膚比成人薄,容易吸收同流失水份,所以搽保濕膏次數要比成人多,特別係容易乾燥、發紅同爆拆嘅面頰。
除咗補充水份外,亦要注意補充油份,因為油份有鎖水作用,可減緩皮膚水分蒸發,富含蜂蠟、甜杏仁油成份嘅用途爆拆面霜最能鎖住肌膚水份及脂質,多補搽更有效舒緩面頰皮膚泛紅、乾燥、爆拆問題!

嘴唇邊
BB經常咬唇舔唇,嘴唇邊特別易乾燥敏感,除咗抹嘴時要輕力,每次餵奶後要用棉花濕白開水幫BB輕印清潔,減低磨擦刺激,如果嘴唇四周或面頰出現口水疹、奶癬等敏感情況,就要塗上成份安全、含潤膚成份Cicabébé ® 3合1多元修護膏去護理,改善發紅乾燥情況。

手肘、手掌、膝背
冬天洗澡時間最多10分鐘,皮膚接觸熱水愈久,愈易流失自然油脂保護膜,令皮膚緊繃痕癢。媽媽可選用無需過水、沖涼洗頭兩用嘅21抗敏沐浴/洗髮啫喱,方便之餘又可縮短沖涼時間,避免BB皮膚變乾燥,加上含豐富椰子油及葵花籽油,增加皮膚鎖水功能,避免水份流失,適合乾燥膚質BB使用。
另外注意沖涼後抹身時,最好係輕輕印至9成乾,然後立即在全身薄薄塗上一層潤而不立、長效保濕嘅抗敏保濕膏更能為皮膚保濕 

保濕膏要密密搽,尤其手肘、手掌、膝背等可多搽幾次,就更有效改善乾燥情況開暖風機前都應搽上保濕膏,為皮膚補水BB出街,亦要攜帶輕便裝保濕膏,以便不時補搽。 

更多乾燥敏感BB護理資訊: 

保濕膏混合杏仁油,急救乾燥濕疹肌! 

BB周身痕,係皮膚敏感定濕疹? 

一文睇晒:轉季敏感濕疹護理攻略

揀保濕產品貼士 

show less