fbpx
📸影面試相攻略!

📸影面試相攻略!

踏入11月,大部分幼稚園都開始進行面試喇,好多爹哋媽咪都為面試做足準備,令小朋友臨場發揮得好啲~~但大家千祈唔好忽略,影張靚靚面試相嘅重要性喎!

喺申請form上嘅面試相,其實或多或少都反映出小朋友嘅性格,如果小朋友可以乖乖合作影一張精神奕奕、面帶笑容、姿勢端正嘅學生相,老師眼中就自然係一個聽話啲、樂天嘅好學生;相反如果小朋友無厘精神、神情呆滯,就會畀人懶散、無服從性嘅感覺,印象分自然大減。
想知點影好面試相,令小朋友畀人好印象,增加好感度?睇下以下貼士啦!

閱讀全文

1. 注意影相時間
盡量安排小朋友喺午睡後影面試相,瞓飽飽,休息夠,小朋友心情都會靚好多,影相時就唔會扭計,而且影出嚟都會精靈啲啦!

2.整潔衣著
影相時衣著最重要係整潔,太花悄、太隨便都唔適合。男生可著恤衫或Polo Shirt,而女生則可以著簡單嘅連身裙。有衣領嘅衫會顯得更乖巧聽話、而顏色鮮艷一啲就會顯得活潑精神;而且切忌太隆重,如女生著花女裙同公主裙、男生打煲呔都太over 喇!

3. 醒目髮型
影相時小朋友頭髮唔好過長或遮住眼仔,髮型以整齊精神為主,同樣無需太過花巧,長髮嘅女生可將頭髮紮成小馬尾,或用簡單嘅髮夾將瀏海夾起,睇起嚟可愛又醒目。

4.面帶笑容
影相前,爹哋媽咪可帶定小玩具氹小朋友開心,同引導小朋友眼晴望鏡頭;而且可以喺小朋友乖乖合作、有笑容時,適當咁畀兒童零食作獎勵。

5. 肌膚靚靚
如果小朋友面上有濕疹、或者敏感發紅,影面試相時就比較麻煩喇!雖然攝影師後期可以執走相片嘅肌膚瑕疵,但效果就無咁自然同靚啦~加上如果小朋友肌膚敏感、周身痕,就容易忟憎,專注力無咁好,影相表情都無咁開心啦!所以平日爹哋媽咪要幫小朋友做好護膚嘅工夫,喺乾燥季節,尤其要注意多補搽潤而不立嘅保濕膏,防乾止紅止癢,預防敏感濕疹。

當然一張學生相唔代表一切,小朋友又乖又精靈先係最重要,但係肌膚靚靚、儀表得體,畀人好印象,入讀心儀學校嘅機會都自然大增!
最後,祝各位小朋友都可以成功考入心儀嘅幼稚園啦!

show less