fbpx
孕媽媽皮膚乾痕、易出紋,點護理?

孕媽媽皮膚乾痕、易出紋,點護理?

懷孕後,孕媽媽可能會因為受到激素分泌變化影響,皮膚出現唔同嘅變化,如皮膚乾燥、痕癢、油脂分泌增加、色素沉著、過敏、出現紫紅色嘅妊娠紋等。
以下介紹一啲孕媽媽要注意嘅護膚貼士,令皮膚健康舒適,保持容光煥發,孕期心情愉快!

閱讀全文

孕媽媽需要經常洗頭、沐浴嗎?

懷孕以後,孕媽媽汗腺、皮脂腺分泌旺盛,容易出汗,頭部油脂分泌亦會增多。因此,孕媽媽應該如常沐浴、洗頭,保持衛生,可有效減少皮膚問題。
沐浴時要注意唔好用太熱嘅水,及沐浴時時間不宜太耐,而且要選用溫和、ph值適中、鎖水保濕嘅沐浴乳,保持皮膚水油平衡,就可以舒緩乾燥、痕癢感。

點解懷孕時皮膚會特別敏感、痕癢?

懷孕時,由於體內賀爾蒙平衡變化,皮膚對外界刺激會更為敏感,免疫力都會變弱,容易引發皮膚問題。另外因新陳代謝非常活躍嘅關係,手腳、背部、肚子等部位或會感到異常痕癢。
孕媽媽可於沐浴後用保濕膏滋潤皮膚,有助加強滲透,修護皮膚同時保濕,可預防色素沉著,舒緩痕癢及預防妊娠紋、橙皮紋產生。以及每日做好防曬工夫,避免紫外線直接刺激皮膚。

孕媽媽可否化妝?

孕媽媽應盡量減少使用化妝品,如要化妝亦應以淡雅為宜,避免搽唇膏、香水、指甲油、精油同美白袪斑類產品,並需注意化妝或護膚品係咪含有激素、重金屬或有害嘅化學成份,以免影響胎兒健康。
化妝後嘅清潔亦非常重要,卸妝宜使用性質溫和嘅潔膚液滋潤、修護肌膚。

如何防止妊娠紋?

妊娠紋一般喺懷孕約3個月出現因懷孕時容易造成皮膚過度擴張,導致皮下組織嘅膠原蛋白、彈性纖維因跟唔上皮膚延展嘅速度而斷裂,加上懷孕期間荷爾蒙變化,導致皮膚修復能力降低,因而產生痕癢同妊娠紋。

妊娠紋一旦出現後難以消退,但係可以預防嘅,喺孕期時媽媽應注意攝取均衡嘅營養,避免體重無節制增加,皮膚無法承受撐開張力而出現痕癢、妊娠紋。當肚子越嚟越大,亦可選用合適嘅托腹帶以緩減皮下組織嘅牽扯。

除此之外,孕媽媽喺懷孕初期開始,就要一早針對較容易有妊娠紋嘅肚皮,每日早晚塗抹滋潤但唔油膩嘅防妊娠紋乳霜妊娠護理油按摩,蘊含有機摩洛哥堅果油,可以滋養皮膚,令緊繃皮膚重拾彈性,有助舒緩痕癢,預防同淡化妊娠紋。

特別注意除咗肚皮,其實乳房、臀部、大腿內側、手臂等位置都會出紋,所以都唔好忽略要使用乳霜或護理油,以打圈嘅按摩手法塗抹,既可以防紋,仲可以保持肌膚緊緻,預防胸部鬆弛下垂

做好護理工夫,肌膚靚靚,孕媽媽每日都可以更加輕鬆自在,孕育出Happy Baby啦!

想了解更多懷孕貼士,可參考
懷孕媽媽食咩對BB將來皮膚好?
大肚媽媽 防疫小Tips
懷孕時肚皮又痕又出紋,真係好煩?

show less