fbpx
BB 媽媽一覺瞓天光!

BB 媽媽一覺瞓天光!

「安全感」係令BB安睡嘅重要一環,因為BB未出世時被媽媽溫暖嘅羊水包圍住,初生BB更易因為環境轉變會缺乏安全感同唔適應,所以瞓覺時會忽然喊醒,需要媽媽安撫緩和。
加上BB特別容易外界事物影響情緒,如電視、手機藍光、突如其來嘅聲音,好似落雨、大力關門、又或大人說話等驚醒,難以入睡。

閱讀全文

BB瞓得唔好,媽媽爸爸都無覺好瞓,返工無精神,點算好? 以下分享一啲小貼士:

1.安眠香氛
BB嘅觸覺同嗅覺,係發展得最早嘅兩大原始感覺,初生BB能通過奶味辨别自己嘅媽媽,對氣味敏感度也會快速發展。
利用天然嘅香氛,可以為BB帶嚟親切感、安全感,習慣喺日常清潔後、臨瞓前將天然嘅嬰兒鬆弛靜心香氛輕輕擦拭BB身體皮膚,噴灑在頭髮、房間、衣物或床單上,會令BB感到放鬆愉悅,亦可安撫BB躁動心情,減少哭鬧,更易進入甜夢。

2. 增加親子安全感
BB可能會因為見唔到媽媽而無安全感,媽媽可以試下坐喺BB床邊,捉住BB隻手直到瞓著。幾日之後,媽媽同BB可以開始保持一定距離,但要畀BB見到媽媽,之後再將停留嘅時間縮短,令BB慢慢適應單獨入睡。
BB扭計煩躁不安,瞓覺前媽媽可以試下用杏仁油按摩BB全身,有助舒緩情緒、令BB放鬆入睡,滋潤肌膚,減輕乾燥痕癢感,仲可以促進親子關係添!

3.營造安睡環境
媽媽可以根據天氣情況用適當厚薄嘅大毛巾/被包包緊BB、或試下放個米袋/豆袋喺BB心口,令BB有喺媽媽肚入面嘅感覺,就有充分嘅安全感。
另外可以建立固定嘅睡前儀式,如夜晚瞓覺前要定時沖涼、換片、餵飽奶,然後可以講故事、聽柔和音樂、按摩等,之後熄燈,保持室內安靜、昏暗,每日重複同一時間模式,畀BB習慣意識到做完呢一連串活動後係時候要瞓覺。
特別要注意睡前2小時,避免畀BB睇電視、手機,以免藍光刺激影響睡眠,

show less