fbpx
懷孕期間返工一定注意嘅5件事

懷孕期間返工一定注意嘅5件事

孕媽媽懷孕期間返工,皮膚變差唔想見人,仲有身體變化好似鼻敏感、水腫、抽筋同腰酸背痛為工作帶來嘅不便,每日返工好疲累,完全係孕媽媽最艱難嘅日子!
點樣先可以可繼續工作,仍保持到健康嘅皮膚同懷孕狀態? 就要留意以下5件事喇!

閱讀全文

1. 皮膚又乾又痕,唔想見人?

孕媽媽受到內分泌改變影響,比平時更易遇到皮膚乾燥敏感、痕癢、暗瘡、孕斑等問題。懷孕時造成皮膚過度擴張,加上荷爾蒙變化,除咗肚皮之外,乳房、屁股同大腿位置,都可能會出現紫紅色嘅妊娠紋,仲會好痕添!
為皮膚保濕、做足防曬工夫,係孕期護膚嘅最重要秘訣!每日早晚塗抹滋潤但唔油膩嘅防妊娠紋乳霜按摩,令血液循環順暢,有助舒緩痕癢,預防同淡化妊娠紋,仲可以保持肌膚緊緻。
另外,要避免黑色素黯沉問題,每日都要定要塗抹物理性防曬品,避免紫外線直接刺激皮膚 ,產生更多黑色素,形成孕斑。

2. 孕媽媽上班可以照常化妝嗎?

孕媽媽應盡量減少使用化妝品,如要化妝亦應以淡妝為宜,避免搽唇膏、香水、指甲油、精油同美白袪斑類產品,並要特別注意化妝或護膚品係咪含有激素、重金屬或有害嘅化學成份,以免影響胎兒健康。
化妝後嘅清潔亦非常重要,卸妝宜使用性質溫和嘅潔膚液滋潤、修護肌膚。

3. 鼻敏感、鼻塞唔想食藥?

因為孕期雌激素水平升高、血管擴張,令鼻腔黏膜腫脹,所以孕媽媽會出現鼻敏感症狀如打噴嚏, 流鼻水、鼻塞,間中或會流鼻血。晚晚鼻塞瞓得差,第二日又要返工,真係好辛苦呢!
除咗避開塵蟎、灰塵呢啲致敏源,每日用生理鹽水洗鼻,都有助洗走鼻裡面嘅致敏物質,舒緩鼻敏感、鼻塞,對避免服藥嘅孕媽媽尤其適合,亦無任何副作用。
另外溫差大嘅早上,如晚上開冷氣,或冬天剛睡醒時可戴上口罩,待鼻腔適應溫度後再除低,可避免鼻腔因溫差而引致敏感。

4. 水腫、抽筋、腰痠背痛點算好?

每日上班時盡量要有幾次小休息,小休息時將腳抬起來。因為懷孕期間血液循環會減慢,所以將腳抬起、經常伸展雙腿同按摩,都有助血液暢通,可減輕腳踝及雙腳嘅腫脹;穿著孕婦彈性襪,都可改善水腫、改善靜脈曲張、抽筋問題。
另外避免久坐或久站,使用選用合適嘅托腹帶,可以減輕腰背壓力,防止腰痠背痛,進行適量嘅運動,如散步、游泳可舒緩不適,對身心健康都有好處。。

5. 成日好攰,點集中精神?

隨住懷孕週數增加、肚子愈嚟愈大,新陳代謝加快,需要消耗更多能量,加上孕吐、胎動、腰痠背痛等影響,呢段時間Working Mum會特別容易疲累、嗜睡。
孕媽媽要盡量爭取時間午休,即使只有10分鐘,都可以補充體力,趴睡時檯面多墊個枕頭,先唔會造成腹部唔舒服。偶爾行一行,拉一拉筋,活動一下身體,食一啲健康小食如葡萄乾、核桃、蘋果等,都會精神好多!

想了解更多孕期護理、預產準備資訊,可參考:

孕媽媽皮膚乾痕、易出紋,點護理?

懷孕媽媽食咩對BB將來皮膚好?

懷孕媽媽要為BB準備什麼用品?

照顧初生BB有咩要注意?

show less