fbpx
搽母乳,可以醫奶癬?

搽母乳,可以醫奶癬?

BB面仔生晒一撻撻奶癬,皮膚又乾又紅,睇見都心痛!
坊間傳言,以母乳直接塗抹,或用母乳皂清潔BB面仔身體,可以治奶癬;更加有人話:「人奶咁有營養,搽完奶癬好咗,皮膚又白又滑!」但亦有媽媽話用咗母乳搽患處之後奶癬情況惡化。 究竟母乳真係可以醫治奶癬嗎?大家睇睇以下講解啦!

閱讀全文

奶癬係咩嚟?同濕疹有咩分別?
奶癬其實係濕疹嘅一種,因為好多人以為BB因飲奶而出現皮膚紅疹,故將之俗稱奶癬。
奶癬多數喺BB 兩至四個月時長於面上,至現時為止,醫學界還未為奶癬成因作定案,可能與BB免疫系統有關,亦有機會係BB對某類物質如奶同口水,接觸面部引致敏感造成,多見於嘴唇四周或面頰,會出現紅疹乾燥,並感到痕癢。
而濕疹則多會影響到BB全身肌膚,除面頰、唇邊外,亦多生長在手腕、肘彎、小腹皺褶、膝背等地方。

母乳真係可以治奶癬、濕疹嗎?
暫時未有科學研究證實,母乳能有效治療奶癬或濕疹,如果以母乳直接塗抹,或用母乳皂清潔BB面仔身體,媽媽更要注意以下幾點問題:

  1. 母乳並無消毒功能,且含糖份同蛋白質,擠出後很容易令細菌滋生,所以存放需要嚴格條件,無做好防腐措施,放喺室溫好快會變壞,直接塗抹有可能刺激BB皮膚,令奶癬/濕疹問題惡化。
  2.  網上流傳DIY母乳皂製作配方,有媽媽用過剩母乳整母乳皂,處理過程中可能滋生大量細菌,母乳皂含菌量高,用嚟沖涼隨時令皮膚過敏,或者出紅疹
  3. 購買看似天然嘅母乳皂,母乳源、配方以至加工過程都來歷不明,而且製造母乳皂時可能添加其它物質,如色素、蜜糖等呢啲成分混合可能會產生化學反應。如BB對當中某啲化學成分敏感,使用肥皂後可能出現過敏。
  4. 製作母乳皂過程會添加鹼性物質,會洗走皮膚表面具保護作用嘅油脂,令BB皮膚更易乾燥,結果愈洗愈差。

基於以上種種考慮,母乳治奶癬/濕疹功效成疑,亦唔安全,咁應該點護理好?

搽安全、無香料保濕膏

注意為BB皮膚保濕,每次食完奶後要用清潔濕毛巾清潔面部及頸部,並保濕膏。留意BB皮膚嘅濕潤度,若搽上保濕膏後仍然乾燥,則需勤加補搽。
挑選保濕膏時,最好選擇通過安全測試,無香料無酒精、無色素、無Parabens防腐劑成份嘅,先可以保護到BB脆弱肌膚及舒緩敏感濕疹。

選用溫和沐浴產品

濕疹BB表皮層薄弱,媽媽要避免使用鹼性沐浴露/肥皂,以免洗走皮膚皮脂,令嫩弱肌膚更易流失水份,造成乾燥敏感。
應選用溫和、無添加色素、酸鹼度(Ph值)適中嘅2合1沐浴露幫BB沖涼,深層滋潤BB乾燥肌膚,舒緩敏感痕癢。沖涼後,只需用毛巾將水分印乾,切勿擦得太乾,並立即為BB搽上保濕膏,保持皮膚濕潤。

母乳好有營養,但只適宜飲用。BB皮膚幼嫩,如果有奶癬/濕疹情況出現,奉勸各位媽媽都係揀番一啲列明性質溫和,成份天然,不含色素、酒精,同埋經安全測試嘅護理產品,特別針對敏感皮膚使用,減低致敏機會,確保安全可靠,就自然用得放心啦!

show less