fbpx
搽Pat Pat,用爽身粉液?換片膏?

搽Pat Pat,用爽身粉液?換片膏?

天氣悶熱,BB屁股被尿片焗著,好容易同濕氣、排泄物接觸,以及尿片磨擦後受刺激,變得紅卜卜,甚至紅腫、發炎,尿片覆蓋部位出現尿布疹,嚴重或蔓延至大腿位置。有啲媽媽問:「可以用爽身粉液取代換片膏搽BB屁股嗎?令BB屁股乾爽啲,減輕紅腫、發炎?」想知其實得唔得?即刻睇下講解啦~

閱讀全文

要用換片膏阻隔污垢同刺激物
因為BB 唔同部位嘅肌膚,都要有針對性嘅呵護。防敏爽身粉液可吸走過多汗水,令肌膚保持乾爽,但就無阻隔污垢和刺激物嘅效用。
要真正保護到BB屁股,每次清潔後應該要先搽抗敏換片護膚膏,形成保護屏障,阻隔刺激物如尿液、糞便,及防止尿片摩擦而產生嘅敏感,加強保護同滋潤。而當中含有效成份氧化鋅,醫學證明可舒緩皮膚紅癢,更有效預防、舒緩尿布疹。

可以用爽身粉液搽BB Pat Pat嗎?
防敏爽身粉液嘅作用係吸走過多汗水,預防熱痱或汗疹,適用於皮膚摺合位,例如頸項、手臂或腿部,有助減退發紅同敏感徵狀。而如果BB易出汗、屁股多濕氣,都可以喺搽換片膏之後,喺BB屁股、腿部摺位等易敏感部位搽爽身粉液,輕拍印開,就可以令BB皮膚乾爽啲,同時預防因汗水磨擦而引發嘅熱痱~

切勿用傳統爽身粉搽Pat Pat
雖然想令BB皮膚乾爽,但都要避免使用傳統粉末狀爽身粉,因為傳統爽身粉嘅粉末同尿液、排泄物混合後會阻塞毛孔,引起敏感,仲會令尿布疹惡化。而其揚起嘅粉末會從鼻孔進入BB氣管,影響呼吸道健康,而爽身粉液就可避免呢啲因粉末影響嘅問題,更可吸走濕氣,同時預防因汗水磨擦而引發嘅紅癢問題喇~

總括而言,每次換片後,都應先用換片膏薄薄咁搽BB屁股作保護屏障,阻隔排泄物;如果BB易出汗,咁就可以喺BB屁股、腿部摺位搽爽身粉液,輕拍印開,令皮膚乾爽,BB屁股就再無紅癢問題喇!

show less