fbpx
春天BB周身痕,成日搲?

春天BB周身痕,成日搲?

春天天氣乍暖還寒,而且濕度高,對每個BB嘅皮膚都係極大嘅考驗。天氣轉變,加上潮濕會助長細菌、塵蟎滋生,令皮膚容易發炎,濕疹患處更見痕癢。
BB周身痕,不停地抓呀抓,令皮膚出現更多紅腫痕癢嘅地方,仲會痕到瞓唔到覺,媽媽見到都心痛。想知點幫BB止痕?即刻睇下護理貼士啦!

閱讀全

控制環境濕度
天氣潮濕會令霉菌同塵蟎兩大致敏源滋生,亦可能令BB肌膚敏感痕癢,容易誘發濕疹。喺春季、雨季,媽媽可用抽濕機或抽濕產品控制濕度,保持環境清爽,50%至60%濕度就最為適當舒服喇!

避免肌膚接觸致敏原
為BB衣物轉季時,要用無刺激成份嘅BB專用洗衣液徹底清洗衣物後先穿着,避免肌膚接觸霉菌;用熱水清洗床單、被袋同枕頭套,床單每一至兩星期便需更換清洗、毛公仔亦常以消毒清潔劑洗淨,可減少塵蟎滋生,減低BB 敏感痕癢機會。

沖涼勿過熱、太久
-切勿用過熱嘅水沖涼,以溫水37℃-38℃左右為佳,因為如果皮膚接觸熱水愈耐,愈易流失自然油脂保護膜,令皮膚鎖水能力降低,就好容易出現乾燥痕癢問題。BB肌膚易敏感,抹身時要輕輕印乾,而唔好用毛巾大力磨擦皮膚,以免造成刺激。

-若BB沖涼太頻密、太長時間可能會令皮膚痕癢敏感,甚至引發濕疹,媽媽可選用無需過水、沖涼洗頭兩用、敏感肌膚專用嘅沐浴/洗髮啫喱,方便之餘又可縮短沐浴時間,更有效舒緩痕癢,敏感同濕疹。

薄搽潤而不立嘅保濕產品
春天天氣反覆,一時凍一時熱,BB 幼嫩肌膚可能會適應唔到,水油唔平衡,好易會痕癢、敏感,出濕疹。不過潮濕天氣下,想幫BB搽潤膚品作修護,卻令皮膚黐立立反更加痕癢。
媽媽可於沖涼後黃金5分鐘內,為BB搽無香料、潤而不立、持久鎖水嘅保濕膏,增強天然皮脂膜屏障功能,修護乾、 紅、 痕同敏感,不過保濕膏薄薄搽一層就足夠喇,搽得過厚反而會引致毛囊閉塞同暗瘡。

避免汗水刺激
氣溫上升,BB又無時停,四圍郁就周身汗,肌膚易被汗水刺激而敏感痕癢,媽媽要留意為BB勤抹汗以保持皮膚乾爽。每次清潔或沐浴後,用無酒精成份、溫和保濕嘅潔膚露稍為抺拭,避免汗水黏附皮膚,再喺BB頸位、手臂、腿部皮膚等摺合位搽上液狀爽身粉,吸走濕氣汗水,就可以令皮膚保持乾爽,預防敏感汗疹,仲唔怕BB吸入粉末,影響呼吸道健康。

阻止BB搲痕
媽媽要時刻留意阻止BB搲痕,因為搲痕不但唔可以止痕,亦只會令皮膚感染、發炎而更加痕癢,形成惡性循環。媽媽可以替BB修剪指甲,夜晚瞓覺時,幫BB戴手套仔,以免抓傷皮膚被細菌感染。

show less