fbpx
照顧初生BB有咩要注意?

照顧初生BB有咩要注意?

BB出生後一個月內嘅初生時期,正係適應新環境嘅重要階段,新手媽媽要照顧BB唔同方面嘅需要,可能會遇到一啲困難,例如:點幫初生BB沖涼?幾時要換片?點安撫BB哭鬧等等,不過唔駛擔心,只要仔細了解護理初生BB嘅方法,就唔怕手忙腳亂啦!

閱讀全文

沖涼、洗頭

  1. BB出世頭幾日仲未脫臍帶,沖涼時時要小心啲,唔好整親條臍帶,同埋沖完即刻印乾,並以棉花棒及生理鹽水清潔,保持肚臍部位乾爽,有助癒合。
  2. 每日都要為BB沖涼,除咗可以保持乾淨衛生外,仲可借此觀察BB身體、肌膚有無異常現象,如紅疹、敏感、外傷等等,仲可以增進親子關係添!
  3. BB沖涼時間最好選擇喺下午較温暖嘅時間,以防凍親。媽媽亦要留意最好等BB食完奶後1小時先沖涼,否則BB好易嘔奶啊~
  4. 浴盆放約2-3吋(約5-8厘米)深嘅水已足夠,使用浴網,或者鋪定一條毛巾墊喺浴盆底部,有助承托BB。
  5. 選用具保濕成份嘅21沐浴、洗髮產品比較適合初生BB,因為BB生活環境一般比較乾淨,皮膚好少有污垢,稍為沖洗已經夠乾淨。2合1產品溫和潔淨BB頭髮同肌膚,而且免過水,對仍然需要手抱沖涼嘅BB,使用上亦更方便,仲唔駛怕沖涼時間過長,令BB皮膚痕癢乾燥,又唔會凍親喇!
  6. 初生BB新陳代謝快,油脂腺較大,令頭皮容易出現油膩皮屑或黃色一片片,呢啲就係頭泥。要清除頭泥,千祈唔好刮、搣、捽BB頭皮,因為咁好易整傷頭皮而發炎,而應用溫和嘅BB專用去頭泥洗頭水,輕輕打圈洗頭按摩。洗頭之後,可搽上適量保濕膏保持頭皮滋潤。

換尿片:

  1. BB長時間穿著尿片,屁股常受排泄物刺激及磨擦,因此要保護屁股肌膚,最簡單係勤換尿片。初生BB每次小便或大便後都應馬上換片,所以媽媽要經常檢查屁股,及時換上透氣乾爽嘅尿片。
  2. 每次清潔BB屁股時,要盡量避免使用含酒精嘅濕紙巾,以防抽乾水份導致皮膚乾燥,刺激BB敏感皮膚,亦唔好用乾紙巾,因太乾會弄痛BB,可用棉片沾上含滋潤成份及免過水嘅潔膚液輕拭擦,保護BB屁股皮膚。
  3. 清潔後薄薄搽上一層不含香料、輕薄易推嘅換片膏,可以阻隔污垢排泄物,加強保護同滋潤肌膚;而蘊含氧化鋅(Zinc Oxide)成份嘅換片膏,醫學證明最能有效舒緩皮膚紅癢,預防尿布疹。
  4. 初生BB嘅臍帶殘端未脫落,應把尿片嘅腰圍下摺,並避免為BB穿著太緊貼腹部嘅衣物,以免弄污或弄傷臍部,致細菌感染。

安慰哭鬧BB:

  1. 大部分BB喺頭3 個月都會經常哭鬧,雖然令人心神不寧,但都係BB正常嘅表現。要撫慰BB,先試搵出令BB唔舒服嘅原因,可能係因為尿濕了,餓了,太冷,太熱、太多噪音等因素,媽媽可了解並盡量滿足BB需要。
  2. 要安慰扭眼瞓或被過度刺激嘅BB,可把BB靠喺肩膀抱著,同時輕輕搖晃、輕揉BB嘅背部,溫柔咁對BB唱歌或說話,讓BB感到安心,有助舒緩情緒。
  3. BB專用、性質溫和嘅按摩油幫BB按摩,有助平靜BB煩躁心情,更可改善睡眠,同時促進親子親密關係、深層滋潤BB肌膚。按摩時間一般為10-15分鐘。不過注意初生BB肌膚幼嫩,按摩手法應溫柔輕力;3個月以下BB頭骨仍軟,亦不宜用力按摩。

show less