fbpx
熱痱、濕疹點樣分? 點護理 ?

熱痱、濕疹點樣分? 點護理 ?

BB肌膚幼嫩,有時面仔、身上出一粒粒,紅卜卜,都唔知係濕疹定熱痱、應該搽咩好。
其實究竟濕疹同熱痱點樣分?BB有熱痱,可以搽保濕膏嗎?BB係濕疹乾燥肌,可以用爽身粉液嗎?
以下就為大家一一解答:

閱讀全文

「熱痱」、「濕疹」大不同

濕疹-皮膚乾燥痕癢
濕疹係皮膚過敏而出現嘅紅疹小紅斑,皮膚發紅、乾燥,並會令BB感到痕癢,引起濕疹嘅原因仲未有確切嘅講法,多認為與遺傳同免疫異常有關,另外轉天氣、皮膚乾燥或食物都有影響。濕疹皮膚患處皮膚會變紅,變厚,變粗,皮膚上嘅紋理十分明顯。多出現喺BB面頰、唇邊、手腕、肘彎、小腹皺褶、膝背等位置。

熱痱-小水痘或紅色丘疹狀
熱痱係因為BB新陳代謝旺盛,易出汗,汗水積聚令汗孔堵塞,皮膚出現輕微炎症嘅反應,多呈小水痘或紅色丘疹狀。而且唔同濕疹,少於手腳或面部出疹,多集中出汗位、皮膚摺合嘅位置,例如頸項、手臂、大髀罅位同背脊。

濕疹與熱痱睇起嚟相似,但處理方法就好唔同,如果用錯咗護理用品,情況更加有機會惡化!所以各位媽咪如果分唔清BB生熱痱定濕疹,最好搵醫生判斷同咨詢意見喇!

濕疹要「保濕」、熱痱要「乾爽」

BB肌膚容易受外在環境同天氣影響而缺水,引致乾燥痕癢,引發敏感性膚質同濕疹,因此平日媽咪便應為BB做足滋潤功夫,避免使用鹼性較強、易引起乾燥嘅肥皂,更要把握沐浴後嘅黃金5分鐘,馬上為BB搽上無香料嘅抗敏保濕膏(面及全身),令皮膚保持濕潤 ,亦築起屏障保護嘅功能。
若發現BB出熱痱時,要注意為BB降溫,流汗時要立即抹乾,避免汗水黏附皮膚上,同埋再喺易出汗位,如頸仔、手臂摺合位同大髀罅位塗抹成份天然、不含滑石粉嘅防敏爽身粉液,輕拍印開,吸走皮膚上過多汗水,就可以令BB皮膚保持乾爽,預防同舒緩熱痱。

生熱痱,用保濕膏得唔得?
平日BB沖完涼抹乾身後,應先喺BB面同全身塗上保濕膏鎖住水份,讓肌膚保持滋潤。之後再於BB出汗位, 如頸項、手臂或腿部等摺位塗上防敏爽身粉液,令皮膚保持乾爽。如果次序調轉,爽身粉液就會阻隔保濕膏滲入皮膚,BB肌膚就得唔到滋潤喇~
但若發現BB出熱痱時,切勿再搽保濕膏於患處,因咁會令汗孔閉塞,令熱痱惡化。

乾燥/濕疹肌,可以用爽身粉液嗎?
乾燥/濕疹肌膚應該勤多補搽抗敏保濕膏,保持肌膚滋潤;而防敏爽身粉液主要功用係吸走多餘汗水,令肌膚保持乾爽,預防熱痱,乾燥或濕疹肌膚都可以用爽身粉液,不過注意應局部塗在易出汗位置,例如頸項、手臂或腿部皮膚摺合位,避開乾燥、濕疹位置。

show less