fbpx
生熱痱,用保濕膏得唔得?

生熱痱,用保濕膏得唔得?

CgQCtlNdttiAL0zMAADndcRp66o59500BB、小朋友到戶外玩面頰紅紅,大汗疊細汗,好易會出熱痱(汗疹),尤其係皮膚摺合位特別容易出疹。好多媽咪擔心BB嘅熱痱問題,有啲媽咪會有疑問:「濕疹用抗敏保濕膏,咁生熱痱,都用保濕膏得唔得?」

閱讀全文

「熱痱」、「濕疹」大不同
濕疹係皮膚過敏而出現嘅紅疹小紅斑,皮膚發紅、乾燥,並感到痕癢,引起濕疹嘅原因仲未有確切嘅講法,多認為與遺傳及免疫異常有關,另外轉天氣、皮膚乾燥或食物都有影響。

而熱痱係因為BB新陳代謝旺盛,易出汗,汗水積聚令汗孔堵塞,皮膚出現輕微炎症嘅反應,多呈小水痘或紅色丘疹狀。而且唔同濕疹,少於手腳或面部出疹,多集中出汗位、皮膚摺合嘅位置,例如頸項、手臂、大髀罅位及背脊。

濕疹與熱痱睇起來相似,但處理方法就好唔同,如果用錯咗護理用品,情況更加有機會惡化! 所以各位媽咪如果分唔清BB生熱痱定濕疹,最好搵醫生判斷同咨詢意見喇!

濕疹要「保濕」、熱痱要「乾爽」
BB肌膚容易受外在環境同天氣影響而缺水,引致乾燥痕癢,引發敏感性膚質同濕疹,因此平日媽咪便應為BB做足滋潤功夫,避免使用鹼性較強、易引起乾燥嘅肥皂,更要把握沐浴後嘅黃金5分鐘,馬上為BB搽上抗敏保濕膏,讓皮膚保持濕潤 ,亦築起屏障保護嘅功能。

但相反,BB出熱痱嘅位置,切勿再用保濕膏,因咁只會令汗孔更加閉塞,令熱痱惡化,反而要注意BB流汗時,立即幫BB抹汗,避免汗水黏附皮膚上,同埋再喺BB嘅出汗位,如頸仔、手臂摺合位同大髀罅位塗抹成份天然、不含滑石粉嘅防敏爽身粉液,輕拍印開,吸走皮膚上過多汗水,就可以令BB皮膚保持乾爽,預防同舒緩熱痱,減退發紅及敏感徵狀喇~

show less