fbpx
產後坐月有咩要注意?

產後坐月有咩要注意?

產後第一個月俗稱「坐月」,係媽媽身體吸收補益食物比較快、身體恢復得比較好嘅時間,更加係產後調理黃金期。
媽媽都想盡快恢復身體健康、身材窈窕,同埋兼顧哺乳餵養BB,所以喺坐月期間嘅護理非常重要,起居生活都要特別小心,大家一齊睇下有咩要注意啦~

閱讀全文

充足休息、避免操勞

  • 好好休息對身體復元最重要,坐月期間媽媽身體虛弱、抵抗力較低,所以應減少外出,盡量避免到人多擠迫嘅地方。
  • 可能好多個夜晚你都會被BB吵醒,所以需要喺日間斷斷續續咁喺BB瞓著時小睡片刻補眠,有時都需要將手機關掉,喺房門掛上「請勿打擾」嘅牌,畀時間自己休息。
  • 就算精神唔錯,做家務都唔好太急速、操勞。而媽媽嘅子宮同傷口仲喺復原階段,坐月期間拎重物會拉扯到傷口,更容易造成子宮下垂,所以媽媽盡量避免做用到腹部肌肉力量嘅動作。

保持清潔衛生

  • 坐月期間要保持衞生,可以沖涼洗頭,但要注意保暖。因為生產後媽媽全身毛孔會擴張,容易入風,洗頭後要盡快用風筒吹乾。
  • 身體狀況許可下可用薑水洗澡,保持身體清潔,避免細菌滋生。

攝取足夠營養,健康修身

  • 坐月期間日常飲食要以均衡、清淡為主,應該包含魚、肉、蛋、奶、豆、蔬菜、水果等,咁樣就可以提供到哺乳時所需營養。多攝取鈣質食物,更有助改善產後脫髮、骨質疏鬆等問題。
  • 應以少食多餐為原則,每日用餐次數約5-6次,因為媽媽產後身體嘅消化系統仲未恢復,腸胃消化速度會比較慢,少食多餐有助消化同吸收,保持充足營養,亦可避免因為一次食過量造成熱量囤積。
  • 有啲媽媽急於馬上修身,但刻意節食減肥,會令身體難以復原,母乳媽媽更會因為缺乏營養而上奶不足。反而媽媽可以喺坐月期間,做一啲簡單產後運動,舒展腳部,幫助子宮復原、增加血液循環,減少腹部、臀部、大腿脂肪同水腫,亦可令媽媽保持活力,心情更開朗。

產後防肚紋

  • 唔少產後媽媽因懷孕時皮膚過度擴張及荷爾蒙變化,肚皮出紋,更擔心影響外觀。媽媽可以喺坐月期,針對較容易有妊娠紋產生嘅部位,例如腹部、臀部、大腿內側、手臂等,每日早晚用滋潤不油膩嘅防妊娠紋乳霜塗抹同按摩,就可以令血液循環更順暢,使緊繃皮膚重拾彈性,有助舒緩痕癢同減輕妊娠紋。
  • 沐浴後,皮膚仍留有水份時,就係塗乳霜嘅黃金時機,有助加強滲透,修護皮膚同時保濕,可舒緩痕癢及預防妊娠紋、橙皮紋產生。

舒緩乳房腫脹及受損

  • 新手母乳媽媽可每日多喝清淡湯水,預防乳汁過稠,而且每次哺乳時,盡量讓BB吸至乳汁通暢,若有不暢通感覺,就要用吸奶器按摩排清乳汁,以避免乳房腫脹。
  • 產後媽媽可能為咗補身,攝取大量動物蛋白質,如魚湯、花膠湯、肉類等。但過多蛋白質有機會令母乳濃稠,容易阻塞,致塞奶同乳腺炎,所以要注意唔好過度進食補品。
  • 母乳媽媽容易因餵哺而乳頭破損或乾裂,令餵哺困難又疼痛,如感到疼痛,千祈唔好擠壓乳房,建議可試試喺餵哺母乳前,先以溫熱毛巾熱敷乳房,加以按摩,讓母乳較容易流出來,同時紓緩腫痛,但注意唔好冷敷乳暈乳頭,因咁反而會抑制乳汁排出呢!
  • 選用天然羊毛脂成份嘅母乳專用乳頭護理霜,每次餵哺後或有需要時,擠出少量於食指及中指,再輕輕塗抹於乳頭,有助保護及修護受損乳頭組織,及早預防及護理,令餵哺更輕鬆。

初為人母,新生BB帶嚟無比嘅喜悅,雖然坐月期間媽媽會面對唔少困難,但都要好好照顧自己,注意調養同休息,咁就可以元氣十足,享受湊BB嘅過程啦!

show less