fbpx
用金銀花去頭泥、濕疹真係有用?

用金銀花去頭泥、濕疹真係有用?

頭泥、濕疹係媽咪至關心嘅BB 皮膚問題──初生BB新陳代謝較快,油脂腺較大,容易積聚死皮,形成頭泥,頭皮會出現微紅、油膩小薄片或黃色鱗屑;而轉天氣、皮膚乾燥亦好易令到BB頸仔臉仔、手腳生一撻撻濕疹,媽咪睇到都心痛。
坊間流傳用金銀花煲水去頭泥、濕疹,有長輩話幫BB先用金銀花水洗頭、抹身,再用渣滓敷住有頭泥、濕疹嘅地方,據說第二日即散紅好番。
睇啲媽咪討論區,原來真係有唔少媽咪對BB頭泥、濕疹苦無對策,於是對呢個方法抱但求一試心態,效果亦好壞參半:有媽咪話初初係有改善,但BB再大一啲就無效,有啲更加話用咗金銀花沖涼,濕疹情況更惡化。

閱讀全文


不過先勿論金銀花去頭泥、濕疹嘅功效如何,但媽咪都要注意以下問題:

  • 藥材舖金銀花來源地不明,可能含有重金屬。
  • 農夫嘅種植方法亦不明,亦不知會否有殘餘農藥。
  • 藥材沒有安全性測試嘅標準,含菌量可能很驚人。
  • 金銀花擺買嘅地方大多位於街巿、路邊,可能會沾滿灰塵穢物。
  • 某啲BB可能對金銀花過敏。
  • 若患者皮膚非常乾燥,有脫屑情況,用太熱嘅金銀花水外洗,可能令皮膚變得更乾,敷洗後或會感到更加痕癢。
  • 患有蠶豆症(G6PD缺乏症)BB唔可以用金銀花水冲身或外敷,以免有機會出現溶血反應。

028
基於以上種種考慮,金銀花煲水去頭泥、濕疹似乎唔太安全。BB皮膚幼嫩,如果有頭泥、濕疹情況出現,奉勸各位媽咪都係揀番啲列明性質溫和,成份天然,不含色素、酒精,同埋經安全性測試嘅護理產品特別針對敏感皮膚使用,減低致敏機會,確保安全可靠,就自然可以放心用啦!

show less