fbpx
用錯沖涼用品,BB愈洗愈乾燥痕癢?

用錯沖涼用品,BB愈洗愈乾燥痕癢?

BB沖涼後皮膚經常痕癢泛紅,踏入秋冬乾燥季節,情況更明顯? 原來每日使用嘅番梘或沐浴露,都有機會令BB皮膚變得又乾又敏感,導致濕疹問題,媽媽要小心選擇喇!

閱讀全文

  • 番梘/皂質沐浴露愈洗愈痕

健康肌膚嘅表面,都需要有一層弱酸性保護膜覆蓋,先能夠發揮鎖水同保護功能。健康嘅BB肌膚係呈弱酸性,市面上嘅番梘鹼性強,會破壞弱酸性保護膜,令皮膚乾燥痕癢 ;而坊間流行手工皂,就要小心含有色素、精油或者蜜糖成份,成分混合可能會產生化學反應,如BB對當中某啲化學成分敏感,使用後可能出現過敏。此外要留意番梘存放上未必衛生,易令細菌滋生,令BB皮膚更易敏感,結果愈洗愈痕。

另外用含有皂鹼成分嘅沐浴露沖涼,就容易刺激到BB薄弱皮膚嘅pH值,破壞天然鎖水屏障,同時容易受到環境刺激,更易變得敏感痕癢。

  • 宜選用pH值平衡、鎖水保濕沖涼用品

BB表皮層薄弱,媽媽應選用溫和,不含皂鹼、 Parabens 致敏成分及酸鹼度 (pH值) 適中嘅沐浴露。好嘅沖涼用品會令BB滋潤唔乾燥,如果沖涼後有任何繃緊感覺,就代表產品清潔力太強,唔適合繼續使用喇!

另外沖涼太長時間會洗走皮膚表面具保護作用嘅油脂,可能會令BB皮膚乾燥痕癢,甚至引致敏感濕疹。乾燥肌膚嘅BB建議可用無需過水、沖涼洗頭兩用嘅2合1抗敏沐浴/洗髮啫喱沖涼,方便之餘又可避免BB皮膚變乾燥,而且含有多種滋潤成份,可以鎖住肌膚水份及脂質,保持肌膚柔潤。

了解更多:Biolane 鎖水保濕沖涼用品

show less