fbpx
點舒緩濕疹BB/小朋友情緒?

點舒緩濕疹BB/小朋友情緒?

濕疹係嬰幼兒常見嘅皮膚問題,尤其係天氣轉變時,濕疹會反覆發作,痕癢難耐, BB/小朋友不自覺抓痕,令皮膚出現更多紅腫痕癢嘅地方,仲會痕到瞓唔到覺,忟忟憎憎。
其實濕疹如果處理不當,除影響外觀、睡眠同日常生活外,長期仲會影響小朋友社交,導致情緒壓力等精神上嘅影響。
爸媽亦難免擔心、憂慮,會可能因為缺乏經驗,唔識點護理,有時更會因為著緊阻止小朋友抓傷皮膚語氣太重而影響親子關係。
濕疹可能對BB/小朋友成長同家人身心構成極大影響,要戰勝濕疹,就要有正面嘅態度同適當嘅護理,大家可以參考以下貼士吖:

閱讀全文

關懷及支持

  • BB受濕疹困擾,但唔識用語言表達,只會喊同不斷抓痕,爸媽可能會好煩躁,但因為情緒會影響BB/小朋友濕疹,間接左右濕疹發作,爸媽應先處理自己情緒,積極咁同子女面對。BB/小朋友保持心情平靜,對改善濕疹都有幫助。
  • 當BB/小朋友濕疹發作、煩躁不安嘅時候,爸媽可以試下用天然杏仁油為子女按摩促進親子關係之外,亦可滋潤肌膚,減輕痕癢感。
  • 濕疹長期仲會影響小朋友社交,例如或會因病發時臉上嘅紅疹、變厚變粗嘅皮膚而覺得難為情,又或受到唔了解嘅同學排擠取笑,爸媽應對子女表現體諒、關心,耐心咁解釋濕疹並唔會傳染,要了解同護理自己嘅皮膚。又或可以同子女一齊進行深呼吸練習,將注意力集中喺呼吸,舒緩焦慮同擔憂情緒。

了解正確護理方法

  • 爸媽身邊嘅親戚朋友好多時會給予獨門秘方或心得,希望幫助BB/小朋友,濕疹康復,但偏方未必完全正確,或未必適合自己子女,所以切忌胡亂相信偏方,如用金銀花母乳治濕疹等,反而會延誤治療時機,或引致皮膚敏感,令濕疹惡化。
  • 要注意經常保持家居清潔,避免塵埃積聚,減少塵蟎,同時保持室內涼快,以免BB/小朋友因過熱而流汗,刺激皮膚。
  • 濕疹BB表皮層薄弱,沖涼時間唔可以太長,同注意唔好用太熱水(37℃-38℃為最好) 沖涼,避免使用鹼性沐浴露、肥皂,而選用溫和、無色素、無香料、酸鹼度(Ph值)適中嘅沐浴露,更能保護到濕疹肌膚。
  • BB/小朋友肌膚易受外在環境同天氣影響而缺水,引致乾燥痕癢,導致濕疹,所以最重要係勤為皮膚保濕,當覺得子女皮膚乾乾嘅就要多補搽無香料、潤而不立嘅保濕膏。秋冬由於天氣較為乾燥,可以適當增加搽保濕膏次數,以預防同舒緩濕疹。
  • 要緊記由於濕疹有復發嘅機會,就算有好轉或治好皮膚,都要繼續做好皮膚護理,適當塗搽保濕膏,以確保皮膚有足夠水份,減低濕疹復發機會。
  • 每年轉季都係濕疹發作嘅高峰期,爸媽要多加注意子女皮膚嘅細微變化。幫BB/小朋友護理濕疹肌膚更要有耐性同恆心,如果濕疹問題嚴重,就應該盡早求醫,接受適合嘅治療。

了解更多: Biolane防敏系列

show less