fbpx
芫茜、片糖沖涼,搽椰子油去濕疹真係有用?

芫茜、片糖沖涼,搽椰子油去濕疹真係有用?

春夏交替嘅時期,濕疹發作令BB又紅又痕,唔少媽媽都會嘗試坊間流傳嘅止痕、退濕疹嘅偏方,如芫茜水、或加片糖、鹽沖涼,以及近期興起以椰子油治濕疹……
究竟呢啲偏方有無效?即刻睇下講解啦~

閱讀全文

芫茜

從中醫角度,芫茜有透發水痘、麻疹等作用,有袪風止癢功效,但芫荽係溫熱植物,而濕疹好多時都係濕熱型,兩者相沖,如果盲目跟住做,反更會誘發濕疹;
而西醫學上仍然未有科學研究證實芫茜水能否治濕疹,更有醫生指出,曾有家長為小朋友用芫茜水洗浸幾星期,結果濕疹反而擴散,病情加劇。咁係因為有啲人可能會對芫茜敏感,而且未知芫茜係咪已經清洗乾淨,所以有機會令濕疹情況更嚴重。

片糖/黑糖

片糖/黑糖含有葉酸、微量物質,可能起到滋潤皮膚嘅功效,冬天乾燥型濕疹患者用作沖涼或會有紓緩作用。但要注意,濕疹分好多種,若濕疹患處除咗乾燥痕癢,仲有紅疹、傷口、滲水,片糖內含嘅營養物質更易令細菌滋生,引起感染,令濕疹情况惡化。

海鹽

有說將海鹽放入熱水浸浴,可軟化死皮、有助血液循環,並有消炎殺菌嘅作用。但其實無論係一般嘅細鹽、粗鹽或海鹽,對皮膚都會造成刺激,特別係BB、小朋友嘅敏感肌膚,或已經有傷口,洗越多海鹽浴反而會更乾燥、痕癢呢!

椰子油

椰子油含大量飽和脂肪,有鎖水同殺菌功效,對濕疹患者可能有一定作用。不過都有患者搽椰子油後嚴重敏感,因為雖然椰子油產品標榜天然,但當中可能仍然含有防腐劑、香料、色素等添加物,容易令皮膚敏感,可致刺激性皮炎;加上椰子油質感太油太稠,好易會阻塞毛孔,結果令濕疹惡化。

民間偏方不能盡信

濕疹病因複雜,加上BB皮膚幼嫩,如果有濕疹情況出現,各位媽媽都係唔好誤信網上流傳嘅偏方,而應揀番一啲列明性質溫和,成份天然,不含色素、香料、酒精,同埋經安全測試嘅護理產品,特別針對敏感皮膚使用,減低致敏機會,確保安全可靠,加上注意BB日常起居生活,濕疹問題先至治標又治本!

春夏舒緩BB濕疹小貼士:

  • 溫和、無色素香料、酸鹼度(Ph值)適中嘅2合1沐浴露幫BB沖涼,滋潤BB乾燥肌膚,可舒緩敏感痕癢。
  • 如果皮膚有活躍傷口,不宜使用沖涼嘅偏方,因有機會刺激皮膚傷口,加劇疼痛之感。
  • 沖涼後,只需用毛巾將水分印乾,切勿大力磨擦以免刺激皮膚。
  • 媽媽可於沖涼後黃金5分鐘內,為BB搽無香料、潤而不立、持久鎖水嘅保濕膏,增強天然皮脂膜屏障功能,修護乾、 紅、 痕同敏感。
  • 為BB衣物轉季時,要用無刺激成份嘅BB專用洗衣液徹底清洗衣物後先穿着,避免肌膚接觸霉菌,減低BB 敏感痕癢機會。
  • 注意經常保持家居清潔,避免塵埃積聚,同時保持室內涼快,以免BB因過熱而流汗,刺激皮膚。

show less