fbpx
開蓋樽仔:一個媽媽必要認識嘅護理產品符號

開蓋樽仔:一個媽媽必要認識嘅護理產品符號

知道媽媽購買BB護理產品、化妝品、護膚品時,都會好小心謹慎,細心檢查產品包裝上嘅生產日期、有效日期,避免買太多,或產品存放太久,影響產品質量,或導致皮膚敏感。

不過淨係睇產品包裝上嘅生產日期、有效日期係唔夠架!因為咁只係睇到產品未開封可存放嘅期限,精明嘅媽媽仲要留意護理產品、化妝品、護膚品開封後嘅使用期限。

因為護膚品及化妝品一般開封後會受到空氣接觸,產生氧化以及受微生物等因素影響,所以開封後嘅保質期,都相當重要。

閱讀全

歐盟規定所有護膚品及化妝品必須印有開封後嘅使用期限(Period After Opening),並用以下符號表示:

呢個係美容、護膚產品中最常出現嘅符號,用以標明產品開封後嘅使用期限。符號由一個已開封容器、一個數字同英文字母M組成,M字代表Month(月份),而數字就代表有效使用月數,如你睇到樽上出現6M,即表示你要喺開封6個月之內使用。

所以媽媽購買BB護理產品、化妝品、護膚品之前,都要睇下呢個符號,衡量一下自己可唔可以喺開封期限前用完,以免造成浪費。

而首次使用產品時亦可以記低開封日期,以免使用過期化妝品同護膚品導致皮膚敏感,咁就可以用得安心啦!

大家仲可以留意護理產品要溫和低敏,不含酒精、色素、Parabens防腐劑等,同被世界綠色組織(WGO)列入「正面清單」,確認通過化學分析、成份篩查及生物測試,不含雌激素或類雌激素、超標金屬、塑化劑及其他國際禁用成份等,就加倍安全,加倍放心啦!

show less