fbpx
頭泥出沒注意! BB有頭泥,點清走?

頭泥出沒注意! BB有頭泥,點清走?

RE

BB頭泥係新手媽媽最關注嘅皮膚問題之一,好多BB出生後兩至三星期就有頭泥,黃色一片片,好似頭皮屑,嚴重嘅仲有一陣「酸餿」臭味。有時啱啱清完又再出,甚至愈嚟愈厚;用橄欖油捽又令BB頭皮油立立,頭泥問題都無改善,更有啲媽媽會忍唔住刮、搣、捽BB頭皮,但咁好容易整傷BB頭皮流血呢~

究竟頭泥點解會形成?咁點先可徹底清走?大家睇睇以下關於BB頭泥嘅5個常見問題啦~

閱讀全文


Q1.點解BB會有頭泥?
BB皮膚新陳代謝快,死皮出現比脫落快,而且BB油脂腺較大同分泌較旺盛,令頭皮容易出現微紅、油膩小薄片或黃色鱗屑,呢啲就係頭泥(學名「脂溢性皮膚炎」)。

Q2.頭泥只出現喺BB頭頂上?
唔好以為頭泥只出現喺BB頭上,原來一細微位如面、眼眉同耳緣位置都會有,媽媽幫BB清潔時要特別小心留意喇!

Q3.如果唔理會頭泥積聚,會唔會有問題?
大多數BB嘅頭泥問題喺會6個月後自動改善或消失,但期間會令BB痕癢,如果唔理會,BB可能會抓損皮膚,導致細菌感染。

Q4.用力刮走頭泥有用嗎?
媽媽切勿大力刮、搣、捽BB頭皮試圖清除頭泥,以免刮損BB幼嫩嘅皮膚,令細菌有機可乘,導致皮膚發炎,亦有機會會扯走埋BB幼嫩嘅頭髮㗎!

Q5.點先可徹底清走?
要加快清除頭泥,可以用去頭泥專用的洗頭水為BB輕輕洗頭按摩,但必須慎選性質温和洗頭水,否則容易刺激BB頭皮,引起敏感同痕癢。
以下短片就介紹咗用含有蜜糖成分、去頭泥專用嘅溫和洗髮露,為BB洗頭嘅正確步驟:
1.媽媽應扶住BB背脊,頭稍微向後仰,然後用溫水弄濕BB頭髮。
2.放適量洗髮露並輕揉均勻,用打圈方法輕輕按摩BB頭髮及頭皮,去除頭泥。
3.最後用清水沖洗。再用軟毛刷輕力清理黏著髮上嘅頭泥,亦更加快清除同防止頭泥再生。
如果BB面、眼眉同耳側位置有頭泥,媽媽亦可以用濕水棉花、紗巾或棉花棒沾少少洗髮露,輕力打圈按摩有頭泥位置,等頭泥軟化後,再清水洗淨就可以喇~

有啲BB頭皮仲好乾同甩皮,或者敏感發紅,媽媽可以洗完頭後印乾水分,薄薄地搽非油性、潤而不立嘅抗敏保濕膏做好保護,為頭皮保濕,同時減少過多皮脂分泌,BB頭皮就唔會再乾燥痕癢喇~

*去頭泥小貼士:
1.切勿大力洗刷、搣、捽BB頭皮。
2.每日用BB專用洗頭水為BB輕輕洗頭按摩。
3.洗頭之後,可塗上適量非油性嘅潤膚膏保持頭皮滋潤。

show less