fbpx
頭泥用橄欖油捽都清唔到?

頭泥用橄欖油捽都清唔到?

好多初生BB都有頭泥,黃色一片片咁,近排轉天氣,頭皮更加易敏感,又痕又甩皮。唔少媽媽對BB 頭泥束手無策,聽人講用橄欖油捽,結果令BB頭皮油立立,頭泥捽走過但好快又生返,甚至愈嚟愈厚,問題都無改善。
頭泥用橄欖油捽都清唔到,咁點算好? 即刻睇睇以下護理貼士啦!

Read More

頭泥用橄欖油捽有無用?
大家最常聽到去頭泥方法都係用油捽走,但其實橄欖油嘅作用係軟化頭泥,令頭泥更易清走,如果只直接用橄欖油嚟捽,而頭泥又厚又多,就難以徹底去清;而且會令BB頭皮油立立,更加重頭油味。
想軟化頭泥,媽媽可選擇溫和不刺激嘅嬰兒杏仁油可以喺BB洗頭前,用棉片/棉花沾上杏仁油,再塗上頭皮輕輕打圈按摩及敷10-15 分鐘,待頭泥軟化,再用去頭泥專用嘅洗髮露洗走,頭皮就唔會咁油立立,亦更易去清頭泥。

應該點護理?
要加快清除同防止頭泥再生,就要配合用去頭泥專用嘅洗髮露,用打圈方法為BB輕輕洗頭按摩,再用軟毛刷輕力清理黏著髮上嘅頭泥。但必須慎選性質温和、含滋潤保濕成份嘅去頭泥洗髮露,以免刺激BB頭皮,引起敏感和痕癢。而每次洗頭後應抹乾水分,塗上適量非油性、潤而不立嘅保濕膏滋潤皮膚。
如果BB面、眼眉同耳側位置有頭泥,媽媽亦可以用濕水棉花、紗巾或棉花棒沾少許洗髮露,輕力打圈按摩有頭泥位置,待頭泥軟化後,再用清水洗淨就可以喇!

如果唔理會,讓頭泥積聚,會有問題嗎?
大多數BB嘅頭泥問題會喺6個月後自動改善或消失,但期間會令BB痕癢,通常喺乾燥天氣情況會更差,如果唔理會,BB可能會抓損皮膚,導致細菌感染。

頭泥問題嚴重要睇醫生嗎?
頭泥並唔會單靠一次清潔就全部消失,積聚已久而厚嘅頭泥更要花時間去清,所以媽媽要持之以恆幫BB用去頭泥洗髮露清潔,直至頭泥消失。
但如果BB頭泥越來越多,甚至頭皮紅腫發炎,就要及時找醫生處理喇!而且切勿濫用含藥性、強力去頭皮洗頭水或類固醇藥膏。

show less