fbpx
點揀BB濕紙巾?

點揀BB濕紙巾?

BB新陳代謝特別快,加上好動無時停,Pat Pat又經常受到排泄物刺激,媽媽要細心為BB清潔面部、手腳同Pat Pat,保護幼嫩肌膚,以免因接觸污垢而導致敏感,同小心Pat Pat發紅出尿布疹。媽媽平日幫BB清潔,或出街帶定濕紙巾就更方便喇!
但市面上嬰幼兒濕紙巾咁多款,點樣揀好?使用上又有咩要注意嘅地方?睇下以下嘅貼士啦!

閱讀全

小心選用防敏濕紙巾
坊間有好多款嬰幼兒濕紙巾含有防腐劑MIT,有機會刺激BB幼嫩肌膚,導致敏感出紅疹,所以挑選BB濕紙巾,無論係用嚟清潔BB雙手、面仔或Pat Pat,媽媽購買時一定要查看成份,揀不含防腐劑MIT、Paraben及Phenoxy-ethanol成份、無香料嘅BB濕紙巾就最安全,可以避免BB出現過敏反應,或抹手後吞下有害物質啦!

質地柔軟堅韌
濕紙巾厚度、柔軟度都好重要,質地太薄嘅話容易被撕破,幫BB抹便便時就有機會滲透到媽媽手上;如果濕紙巾太硬唔夠軟,磨擦得多,就會用到BB Pat Pat紅。所以最好購買一啲質地柔軟堅韌嘅濕紙巾,清潔時就唔會弄污雙手,亦唔會刺激BB肌膚。

保濕防乾燥
有時用完濕紙巾幫BB清潔完,皮膚會變得乾爭爭,所以媽媽最好選用不含酒精、保濕滋潤嘅濕紙巾,可以防止肌膚水份流失,另外蘊含清潔乳嘅濕紙巾,更有效清潔易敏感肌膚,用完Pat Pat皮膚唔會乾同敏感。


小貼士:

棉片加水定係用濕紙巾好?
有啲媽媽會用棉片加水幫BB清潔,但如果外出無清水供應,用濕紙巾就方便得多。
要注意BB鍾意周圍摸、經常接觸細菌,而且換片膏、防曬用品等係防水性產品,用清水未必能抹乾淨,用保濕防敏潔面濕紙巾(隨身裝),一張同時清潔及滋潤肌膚,保濕唔乾燥,可隨時隨地使用,免過水,更方便衛生!

清潔Pat Pat時要注意甚麼?
注意每抹一下Pat Pat都要換一塊新嘅濕紙巾,抹嘅時候要仔細抹皺摺位,例如大腿罅位。徹底清潔後,用毛巾印乾,以免留有濕氣,及盡可能讓Pat Pat皮膚喺空氣中吹乾,最後塗上薄薄一層可阻隔排泄物同尿片刺激嘅換片膏以作保護,仲可以預防尿布疹添!

show less