fbpx
點樣分BB屬於乾燥、敏感,定濕疹肌膚?

點樣分BB屬於乾燥、敏感,定濕疹肌膚?

10個BB,9個有皮膚問題?
因為相比成人皮膚,BB皮膚細胞未完全發育,表皮脂質層非常單薄,水份容易流失,所以BB肌膚易會乾、痕、紅,引發敏感同濕疹膚質。
知道媽媽都想了解BB膚質而揀選護膚產品,幫BB解決各種肌膚問題。想知點樣分BB屬於乾燥、敏感,定濕疹肌膚? 同埋應該點樣護理?即睇下面嘅介紹啦~

閱讀全


乾燥肌BB

乾燥肌係肌膚嘅最外層-「表皮」一種常見嘅缺水狀態。乾燥肌通常係因為空氣濕度低而引發,如皮膚流失水份,就會變乾燥、脫皮,亦會變得易敏感。

乾燥肌膚徵狀:

皮膚乾啞粗糙、脫皮、紅癢、繃緊,情況嚴重會導致乾裂。

導致乾燥肌膚成因

  • 寒冷、乾燥天氣
  • 浸浴水溫過熱或過長
  • 過度洗刷或磨擦皮膚

點樣預防同舒緩?


敏感BB

「敏感」係起因於皮膚神經系統對刺激物嘅過度反應,而產生皮膚不適症狀。因為BB皮膚厚度只有成人三份之一,且未完全發育,所以容易受外在環境刺激,而變得敏感。

敏感肌膚徵狀:

皮膚薄而脆弱、毛細血管顯露,容易發紅,時會出現痕癢同小紅疹。

導致敏感肌膚成因

敏感分先天同後天,前者主要同遺傳、體質有關;後者主要受太陽暴曬、或引發過敏反應物品如塵蟎、寵物、花粉及霉菌等因素影響。

點樣預防同舒緩?


濕疹肌BB

濕疹係好多媽媽都關心嘅BB 皮膚問題,皮膚紅卜卜、出粒粒又「鞋鞋哋」,時好時壞,令BB 好忟憎,濕疹係唔會傳染嘅皮膚病,多生喺面頰、唇邊、手腕、肘彎、小腹皺褶、膝背等位置。

濕疹肌膚徵狀:

皮膚極度乾燥,患處皮膚變紅,變厚,變粗,皮膚上紋理十分明顯,發作時出現痕癢、紅腫、結痂,脫屑及水泡。如水泡破裂,皮膚有出水現象。另或伴隨其他敏感情況,例如鼻敏感,哮喘。

導致濕疹肌膚成因

濕疹並無一個特定成因,但一般濕疹BB皮膚會對某類物質比較敏感,皮膚因為要對抗呢啲物質,因而引發濕疹。

  • 內在因素:如遺傳、過敏體質、病毒或細菌感染等。
  • 外在因素:對特定成份或材質過敏,如日常使用嘅器具物品、貼身衣物、食物,甚至係陽光、溫度、濕度變化等。如當天氣轉變,BB 皮膚會出現乾燥、脫皮、痕癢等,若處理不當可能會演變為濕疹。

點樣預防同舒緩?

  • 濕疹BB表皮層薄弱,所以要避免使用鹼性沐浴露、肥皂,而選用溫和、無色素、無香料、酸鹼度(Ph值)適中嘅沐浴露,更能保護到濕疹肌膚。
  • 濕疹BB容易受外在環境、天氣影響而缺水,引致乾燥痕癢,令濕疹發作,因此媽媽要為BB做足滋潤工夫,當覺得BB皮膚乾就要多補搽無香料嘅保濕膏,以預防同舒緩濕疹。
  • 母乳餵哺有助提升BB 免疫力,無論係營養上或者預防過敏、濕疹,對BB都好有益處。但如果媽媽餵母乳,而BB 都患有濕疹,媽媽可注意自己嘅飲食,留意營養均衡,同避開堅果類食物如花生,有殼海鮮如蝦、蟹都唔好一次食過量。
  • 避免畀BB飲食含有人造色素或防腐劑嘅食物或飲品(例如叉燒、橙汁汽水),另外注意烹調時所用嘅調味料、添加物如色素,亦有機會令濕疹惡化。

show less