fbpx
點清潔BB奶瓶、餐具同玩具先乾淨?

點清潔BB奶瓶、餐具同玩具先乾淨?

喺日常生活上,BB會觸碰唔同嘅器皿同玩具,更不時會喺媽媽唔為意時放入口,加上BB腸道抵抗力較低,細菌隨時從食道進入身體,引發肚瀉、嘔吐。因此徹底清潔奶瓶、餐具同玩具嘅油脂污垢,選擇安全同有效用嘅清潔產品至為重要。

點清潔奶瓶、餐具同玩具先乾淨?媽媽可參考以下貼士:

閱讀全文

奶瓶

  • 媽媽每日使用嘅哺乳用具,包括奶瓶、奶嘴同瓶蓋,都要先消毒後使用,以防細菌、病菌感染。
  • 每次喂完奶後,應先將殘餘嘅奶液倒掉,再用水沖洗奶瓶,噴上零化學殘留、對人體無害嘅奶瓶清潔液並用奶瓶刷將每個角落徹底清洗,特別要仔細清潔瓶蓋、瓶頸同螺旋位,以清水洗淨,去除奶瓶嘅油脂污垢,然後放入奶瓶消毒鍋內用高溫蒸氣消毒。
  • 購買奶瓶時,媽媽要注意奶瓶上嘅耐溫標示,一般膠質奶樽最好用蒸氣消毒鍋作消毒,唔好用熱水煲,以免釋出有毒物質,若一定要用熱水烚奶樽,就應先用毛巾包住。
  • 最好喺BB飲完奶之後立即清洗奶瓶,如果隔太耐先洗,奶瓶內會殘留奶嘅油脂而變得黏膩,之後更難清洗。

BB餐具、玩具

  • 好多媽媽會用普通洗潔精清洗BB餐具,但市面上洗潔精可能含香精、有毒化學物,難以避免會殘留於餐具上面,為免BB將化學物食落肚裡影響健康,可用專為BB而設嘅清潔液噴於餐具內外表面,徹底清洗污垢。而獲歐盟最權威ECOCERT有機認證、唔會影響BB健康嘅清潔液, 過水即淨,唔會殘留於餐具,可確保BB安全
  • 唔同質料嘅BB玩具都要有唔同嘅清洗方法,如塑膠玩具可放於乾淨嘅浴盆內,注入清水,再用毛刷加上BB專用清潔液刷洗,然後用大量清水沖洗乾淨。
  • 木製或沖涼玩具,如果上面殘留水分會導致黴菌同細菌滋生,喺潮濕環境更容易發霉起黑點,所以清潔乾淨後,應每件分開擺放於陽光下晾乾,利用陽光紫外線殺菌消毒,晾曬時仲要翻動一下,令唔同嘅側面都能保持乾爽無濕氣。
  • 毛絨/布玩具可用嬰幼兒專用嘅洗衣液加水手洗,洗衣液成份要天然低敏,經嚴格醫學測試,或者歐盟ECOCERT有機認証測試合格,可確保無香料、色素等刺激成份,清洗後可放於通風處懸掛晾乾,保持乾淨衛生。

*更多防菌小貼士:

  • BB對於細菌、病菌感染嘅抵抗力較低,所以任何人接觸BB或準備BB食物時應先洗手,千祈唔好畀BB接近有傳染病嘅人,例如有傷風感冒嘅患者。
  • BB食剩嘅牛奶、母乳,唔可以保留到下次餵奶,以防止細菌嘅感染,損害BB健康。

show less