fbpx
點解BB有頭泥 ?應該點處理?

點解BB有頭泥 ?應該點處理?

BB頭泥出沒位置

BB頭泥係新手媽媽最關注嘅皮膚問題之一,好多BB出生後兩至三星期就有頭泥,黃色一片片,好似頭皮又好痕,嚴重嘅仲有一陣「酸餿」臭味。究竟頭泥形成有咩原因?咁點先可徹底清走?大家睇睇以下關於BB頭泥嘅5個常見問題啦~

閱讀全文

Q1.點解BB會有頭泥?

「頭泥」,其實屬輕微嘅皮膚炎(學名「脂溢性皮膚炎」),成因暫未確定。不過相信係因為BB皮膚新陳代謝快,死皮出現比脫落快,加上BB油脂腺較大同分泌較旺盛,令頭皮容易出現微紅、油膩小薄片或黃色嘅鱗屑。

Q2.除咗頭頂,頭泥仲生落眉?

唔好以為頭泥只出現喺BB頭上,原來一啲細微位如面、眉毛同耳緣位置都會有,媽媽幫BB清潔時要特別小心留意喇!

Q3.如果唔理會頭泥積聚,會唔會有問題?

大多數BB嘅頭泥問題喺會6個月後自動改善或消失,但期間會令BB痕癢,如果唔理會,BB可能會抓損皮膚,導致細菌感染。

Q4.用力刮走頭泥有用嗎?

媽媽切勿大力刮、搣、捽BB頭皮試圖清除頭泥,以免刮損BB幼嫩嘅皮膚,令細菌有機可乘,導致皮膚發炎,亦有機會會扯走埋BB幼嫩嘅頭髮㗎!

Q5.點先可徹底清走頭泥?

媽媽幫BB啱啱清完頭泥又再出,甚至愈嚟愈厚;用橄欖油捽又令BB頭皮油立立,頭泥問題都無改善呢~
要加快清除頭泥,可以用去頭泥專用的洗頭水為BB輕輕洗頭按摩,但必須慎選性質温和洗頭水,否則容易刺激BB頭皮,引起敏感同痕癢。

以下短片就介紹咗用含有蜜糖成分、去頭泥專用嘅溫和洗髮露,為BB洗頭嘅正確步驟:

媽媽應扶住BB背脊,頭稍微向後仰,然後用溫水弄濕BB頭髮。

放適量洗髮露並輕揉均勻,用打圈方法輕輕按摩BB頭髮及頭皮,去除頭泥。

最後用清水沖洗。再用軟毛刷輕力清理黏著頭髮上嘅頭泥,亦更加快清除同防止頭泥再生。

有啲BB頭皮仲好乾同甩皮,或者敏感發紅,媽媽可以洗完頭後印乾水分,薄薄地搽非油性、潤而不立嘅抗敏保濕膏做好保護,為頭皮保濕,同時減少過多皮脂分泌,BB頭皮就唔會再乾燥痕癢喇~

想了解更多BB頭泥資訊,可參考:

BB出頭泥、頭痕、頭臭,要注意5件事!

頭泥用橄欖油捽都清唔到?

BB 頭泥生到眼眉、耳仔邊都係,點算好?

show less