fbpx
新手爸媽7個換片必要注意貼士

新手爸媽7個換片必要注意貼士

知道新手爸爸、媽媽想親力親為幫BB換片,但好多時都會手忙腳亂,好似BB會周身郁大喊掙扎唔肯換片、又突然噴尿/便便,Pat Pat清潔得唔徹底、或者成日焗住又好易敏感、紅腫同發炎。
初生BB通常每日要換10次尿片,除咗要快手之外,亦有好多竅門~以下同大家分享下:

閱讀全文

快手換片步驟

1.首先,一定要先洗手保持清潔。打開乾淨嘅尿片墊喺最底,預防BB突然噴尿/便便整污糟衣物。

2.鬆開及除去污糟尿片,先以尿片較乾淨部分清理Pat Pat上殘留嘅尿尿同便便(可以大大節省濕紙巾用量)。

3.將污糟尿片向內反摺、小心拎走,用清潔同時呵護敏感部位99%純水抗敏濕紙巾VV濕紙巾從前向後、由內而外輕輕細抹Pat Pat下體皺摺位,防止敏感刺激。

4.徹底清潔後,等Pat Pat自然風乾幾分鐘,用乾淨毛巾印乾。

5.包新尿片前再喺Pat Pat薄薄搽一層含氧化鋅成份嘅抗敏換片護膚膏,阻隔排泄物,預防尿布疹

6.注意尿片同肌膚磨擦都會令BB好痕唔舒服,如果BB易出汗、屁股多濕氣,都可以喺搽換片膏之後,喺BB屁股、腿部摺位等易敏感部位搽防敏爽身粉液,輕拍印開,就可以令BB皮膚乾爽啲,同時預防因汗水磨擦而引發嘅熱痱!

7個換片必要注意貼士

空肚時換片
BB容易喺換片期間尿尿同便便,所以最好喺BB空肚時換片 (食奶之前,或者食奶後一小時) ,可大大降低突發性噴尿/便便情況。

BB下半身唔好提太高
有啲媽媽想防止BB亂踢,換尿片時將雙腿抬過高,但要注意咁會令BB更易噴尿,而且會令頸部脊椎受傷!
正確方法係換片時BB腰部應該緊貼床上/換片枱上,媽媽輕輕托起BB腳踭往上抬就可以喇,唔需要抬過高。而初生BB因腰骨發展未夠穩健,加上媽媽需經常替BB換尿片,因此唔建議畀初生BB著褲仔,而選擇棉質和尚袍同蝴蝶衫就夠方便喇!

清潔Pat Pat要徹底
BB每次小便或大便後應要馬上處理,以減少排泄物細菌與BB皮膚接觸;每次BB排便後,要仔細、溫和咁清潔屁股,注意每抹一下Pat Pat都要換一塊新嘅濕紙巾,抹嘅時候要由前向後抹,仔細抹皺摺位,例如大腿罅位。

選擇防敏感濕紙巾
坊間有好多款嬰幼兒濕紙巾含有防腐劑MIT,有機會刺激BB幼嫩肌膚,導致敏感出紅疹,所以挑選濕紙巾用嚟清潔BB 屁股,媽媽購買時一定要查看成份,揀不含防腐劑MIT、Paraben成份,用清潔同時嘅純水抗敏濕紙巾或防止敏感剌激嘅V V濕紙巾就最安全,可以避免BB皮膚出現乾痕、過敏反應。

每次換片都要搽換片膏
每次清潔BB屁股後都要薄薄塗上一層換片膏,用以阻隔排泄物,加強保護同滋潤;搽喺腰位、片邊位, 可以預防尿片與肌膚磨擦而引起嘅痕癢不適。建議選擇不含香料同色素、容易推開塗抹嘅換片膏,以免BB幼嫩脆弱嘅皮膚敏感,而含有氧化鋅(Zinc Oxide)成份嘅換片膏,醫學證明可舒緩皮膚紅癢,更有效預防尿布疹。

切勿用傳統爽身粉搽Pat Pat
雖然想令BB皮膚乾爽,但都要避免使用傳統粉末狀爽身粉,因為傳統爽身粉嘅粉末同尿液、排泄物混合後會阻塞毛孔,引起敏感,仲會令尿布疹惡化。而其揚起嘅粉末會從鼻孔進入BB氣管,影響呼吸道健康,而爽身粉液就可避免呢啲因粉末影響嘅問題,更可吸走濕氣,同時預防因汗水磨擦而引發嘅紅癢問題喇~

片片要包好防漏
包尿片前後要對稱,因為BB活動時尿片會向下移,容易漏出大小二便,整污糟衣物。如BB成日有尿尿漏出,即表示著法或者尺碼唔啱喇!另外剛出生BB肚仔仲有未脫落嘅臍帶,記得將尿片腰間位往內摺或往外翻,以防臍帶同尿片摩擦,整損或整痛BB啊!

雖然準備充足,但換片過程中都可能出現意想不到嘅狀況,好似突然噴尿/便便,令新手爸媽措手不及,不過只要保持鎮靜,重新再清潔就可以啦!而且換得多,自然熟能生巧,慢慢亦會變成你同BB嘅親密互動時刻呢!

show less