fbpx
BB周身痕,係皮膚敏感定濕疹?

BB周身痕,係皮膚敏感定濕疹?

踏入初秋,氣候轉涼,唔少BB肌膚開始出現問題,乾燥天氣令皮脂腺分泌減少,肌膚少咗油脂嘅保護,BB周身痕之餘,又出現紅色一撻撻。
究竟BB係皮膚敏感,定係患上濕疹?應該點樣護理?即睇下面嘅講解啦~

閱讀全文

「敏感」、「濕疹」徵狀相異

「敏感」起因於皮膚神經系統對刺激物嘅過度反應,而皮膚產生多種唔同程度嘅不適,如轉季而起嘅皮膚痕癢、風癩及病毒疹等,都係一般皮膚敏感嘅徵狀,而濕疹則係其中一種較嚴重嘅敏感反應,
常見嘅皮膚敏感成因有兩類,第一個類包括接觸外來物嘅刺激而引發肌膚嘅過敏,如受太陽暴曬、或接觸引發過敏反應物品如塵蟎、寵物、毛公仔、花粉及霉菌等。而第二類係食物敏感所引發嘅皮膚敏感問題。
敏感徵狀:泛紅痕癢
皮膚薄而脆弱,毛細血管顯露,容易泛紅,時會出現痕癢同小紅疹。一般皮膚敏感痕癢位置平坦,搔抓後或出現抓痕,位置無定處。

「濕疹」其實都係一種常見嘅過敏性皮炎,嬰兒期誘發嘅敏感症狀,可以隨時間演變成較嚴重嘅濕疹。濕疹並無一個特定成因,但一般濕疹BB皮膚會對天氣轉變或某類物質比較敏感:
• 內在因素:如遺傳、免疫異常、病毒或細菌感染等。
• 外在因素:對特定成份或材質過敏,如日常使用嘅器具物品、貼身衣物、食物,甚至係陽光、溫度同濕度變化等。如當天氣轉變,BB 皮膚會出現乾燥、脫皮及痕癢等,若處理不當就會演變為濕疹。
濕疹徵狀:乾燥紅腫
濕疹皮膚皮膚極度乾燥,皮疹部位多對稱或見局部皮膚增厚,乾燥脫皮、凹凸不平,皮膚上紋理十分明顯,發作時出現痕癢、紅腫、結痂,脫屑及水泡。如水泡破裂,皮膚有出水現象。濕疹多生長喺BB面頰、唇邊、手腕、肘彎、小腹皺褶同膝背等地方。

敏感/濕疹預防及護理方法

  • 注意經常保持家居清潔,避免塵埃積聚,及如果有需要,為BB抽血進行致敏原測試檢查,避開致敏原。
  • 為BB衣物轉季時,要用無香料,色素等刺激成份、BB專用嘅洗衣液徹底清洗衣物後先穿着,避免肌膚接觸霉菌;用熱水清洗床單、被袋同枕頭套,床單每一至兩星期便需更換清洗,毛公仔亦常以消毒清潔劑洗淨,可減少塵蟎滋生,減低BB 敏感痕癢機會。
  • BB表皮層薄弱,所以要避免使用鹼性沐浴露、肥皂,因爲鹼性嘅沖涼產品有機會破壞皮膚嘅天然屏障,使肌膚更乾燥,而選用溫和、無香料同酸鹼度(Ph值)適中嘅沐浴露,更能保護到敏感/濕疹肌膚。
  • 天氣乾燥,BB皮膚水分容易流失,皮膚水分不足就會乾裂痕癢,BB會不自覺抓痕,引發濕疹,因此媽媽要為BB做足滋潤工夫,當覺得BB皮膚乾就要多補搽不含香料、色素、酒精及無Parabens成份,同通過安全測試嘅保濕膏,避免皮膚過敏,及預防同舒緩濕疹。
  • 媽媽要時刻留意阻止BB抓痕,因為抓痕不但唔可以止痕,亦只會令皮膚感染發炎而更加痕癢,形成惡性循環。媽媽可以替BB修剪指甲,夜晚瞓覺時,幫BB戴手套仔,以免抓傷皮膚被細菌感染。

了解更多:Biolane敏感/濕疹護理產品

show less