fbpx
BB唔鍾意搽cream, 點算好?

BB唔鍾意搽cream, 點算好?

呢排天氣咁乾,BB好易皮膚痕癢敏感,真係要密密搽保濕膏先得喇!
但係聽好多媽媽講話BB唔鍾意搽cream,一係周身郁,左擰右擰係咁避;一係就扭計,大叫大喊。
唔想每次同BB搽cream都好似打仗咁?點先可以令BB乖乖搽cream?一齊睇下呢3個小貼士吖

閱讀全

1. 分散注意力
BB唔鍾意搽cream,首先要分散注意力,平靜BB情緒。搽cream嗰陣媽媽可以唱歌仔、講故仔,或者畀BB玩鍾意嘅玩具;亦可以同BB玩遊戲,試下畀BB幫妳搽,然後妳又幫佢,一邊搽、一邊同BB講「手手」、「面面」,分散注意力之餘,又可以令搽cream過程更開心,慢慢BB習慣就唔會再怕搽cream喇~
BB搽cream時扭計哭鬧,媽媽都千祈唔好用否定同反面句子去責罵BB,態度盡量要溫和、耐心,唔係就會令BB更加抗拒架~

2. 搽cream手勢要舒服
天氣凍咗,保濕膏涼涼嘅觸感可能會令BB 唔舒服,而且初生BB肌膚幼嫩,搽cream手法應溫柔輕力。媽媽可以先喺掌心搓勻保濕膏並變和暖,然後薄薄而均勻咁搽喺BB面仔同全身肌膚上。
另外為免BB著涼,可以先穿好衫仔,做好保暖,先搽喺手手腳腳、面仔等,分開唔同部位順著皮膚紋路、輕輕打橫按摩,就可以令保濕膏更易吸收,BB感覺更舒服放鬆喇!

3. 揀選合適嘅保濕膏
好多BB唔鍾意搽cream,係因為唔鍾意香味,或者黐立立嘅質感,媽媽可以揀選易吸收、潤而不立嘅無香料保濕膏,BB唔會抗拒之外,搽咗全身肌膚滑滑,仲可以預防舒緩敏感、濕疹添!
成日周身郁嘅好動BB,係咁左擰右擰,媽媽可以揀選噴霧裝設計嘅保濕乳液,一噴落肌膚就保濕,加上質感較清爽,易於塗抹均勻,用後無黏膩感,更有效防乾止痕,咁就方便晒媽媽啦!

其實搽cream係日常必需嘅肌膚基本護理,但都可以係媽媽同BB嘅親子時光,希望大家都可以好好享受呢啲同BB相處嘅 quality time 啦!

show less