BB 嘴邊出口水疹、奶癬，又紅又痕？
BB 嘅嘴邊、臉頰一片紅卜卜、鞋鞋哋、一粒粒到底係咩？呢啲好可能係俗稱嘅口水疹、奶癬！口水疹、奶癬令BB忟憎，不停捽面搲痕，媽媽當然好心痛，應該點算好?
以下就同大家了解一下口水疹、奶癬嘅成因，同分享預防同護理方法啦！
閱讀全文
口水疹、奶癬成因
BB流口水後嘴邊、下巴，甚至頸仔同胸口出現紅色一撻撻，都係皮膚接觸口水引發嘅皮膚問題，俗稱口水疹。4個月大至1歲左右BB，經常不自主流口水，出牙仔時尤其會多啲。BB 細嫩皮膚長時間接觸口水「醃住」，加上口水裡面嘅消化酵素就會刺激發炎，就會引發口水疹喇~
而奶癬多數喺BB 2至4個月時長於面上，至現時為止，醫學界還未為奶癬成因作定案，只係因為好多人以為BB因飲奶而出現皮膚紅疹，故俗稱奶癬。但奶癬成因唔一定係飲奶引起，反而可能因為BB免疫系統、外在環境有關，亦有機會係BB對某類物質如奶同口水，接觸面部引致敏感造成，多見於嘴唇四周或面頰，會出現紅疹、乾燥同痕癢。
想預防舒緩口水疹、奶癬，可以留意以下要點：
1. 口水疹同奶癬都有乾、痕、紅嘅敏感症狀，所以喺 BB 面上初發紅疹敏感時，媽媽可為BB日常清潔後輕輕抹乾皮膚，塗上無香料、含潤膚成份嘅Cicabébé ® 3合1多元修護膏，喺皮膚表皮形成一層保護膜，避免再受刺激感染，改善發紅、乾燥情況。
特別係柔嫩嘅BB 嘴邊肌膚，很易受敏感刺激，3合1多元修護膏含舒緩功效著稱嘅植物活性成份-洋甘菊提取物沒藥醇 (Bisabolol)同植物固醇(phytosterol)，可以幫助防敏抗炎。
2. 無論係口水漬或奶，若喺BB皮膚表面1至2小時仍未抹去，都會大大增加發炎機會，所以應盡量保持面部皮膚乾爽，媽媽可用清潔綿片或毛巾輕輕印走BB嘅口水，餵奶後用濕毛巾清潔BB面部及頸部，但切記唔可以用力擦拭，亦唔好太頻繁、過度抹洗皮膚，令油脂流失，引起皮膚乾燥。
3. BB吸吮奶嘴會令口水量增多，因為吸吮奶嘴時口水會往嘴邊擴散，沾濕嘅範圍加大，所以如果想預防口水疹，就要盡量少畀BB吸吮奶嘴。
4. 注意家居環境，保持床舖、被單、枕頭乾淨，避免以毛毛公仔作玩具，以免滋生塵蟎，減少環境引起嘅致敏原刺激奶癬。
5. 當紅疹症狀持續1星期無改善，且越嚟越紅、範圍越嚟越大時，就應該睇醫生喇~
show less
