fbpx
BB好易皮膚過敏,究竟係咩原因?

BB好易皮膚過敏,究竟係咩原因?

「敏感」係起因於皮膚神經系統對刺激物嘅過度反應,而產生皮膚不適症狀。因為BB皮膚未完全發育,所以容易受外在環境刺激,而變得容易過敏。
出世頭3個月,BB皮膚敏感最易誘發,敏感會令BB面仔同全身痕癢、紅色一撻撻,媽媽必須搵出過敏原因,及早預防同舒緩,大家一齊睇下護理貼士啦!

閱讀全文

導致肌膚敏感成因:
敏感分先天同後天,前者主要同遺傳、體質有關;後者主要受太陽暴曬、或引發過敏反應物品如塵蟎、寵物、花粉及霉菌等因素影響。

點樣預防同舒緩?

避免肌膚接觸致敏原
BB經常接觸塵埃、塵蟎等,會令敏感情況更加嚴重。為減少家居塵埃,注意不宜於睡房放置地氈;定時用熱水清洗床單、被袋同枕頭套,床單每一至兩星期便需更換清洗、毛公仔亦常以消毒清潔劑洗淨,可減少塵蟎滋生,減低BB 敏感痕癢機會。

*小貼士:注意經常保持家居清潔,避免塵埃積聚,及如果有需要,可為BB抽血進行致敏原測試檢查,避開致敏原。

餵哺母乳避敏感

  • 建議同鼓勵媽媽母乳餵哺,可避免及降低BB出現敏感問題。有唔少研究顯示,母乳中含抗體能增強BB免疫能力,有過敏體質嘅BB建議純以母乳餵哺六個月以上。
  • 如果BB需要選擇配方奶粉,可揀部分水解蛋白配方奶粉,有助減低大分子牛奶蛋白嘅過敏性。
  • 嘗試牛奶同奶製品、雞蛋、魚類、花生、堅果類、小麥、黃豆時,要特別注意BB有無敏感反應。

小心BB衣物引起敏感

  • 選購BB 衫時要注意唔好貪靚而買啲太鮮豔同太白嘅,因為呢啲衫仔可能含有有害著色劑、染料、重金屬及螢光增白劑等,令BB皮膚敏感痕癢。
  • 選擇純棉嘅BB衣物,穿著禦寒衣物如羊毛衣、發熱內衣時,唔好直接同皮膚接觸,應以透汗、通爽棉質衣物打底做阻隔,小心避免磨擦肌膚。
  • 新衫、親友轉贈嘅舊衫,或者轉季衣物,BB穿著前都要先洗一次

*小貼士:留意選用嬰兒專用洗衣液,成份要天然低敏,經嚴格醫學測試,及歐盟ECOCERT有機認証測試合格,因為歐盟ECOCERT標準比較高,可確保無香料、色素等刺激成份,照顧BB幼嫩肌膚免受額外刺激。

注意護膚產品成份

  • BB肌膚幼嫩,選擇沖涼護膚產品應以性質温和,不含色素、酒精、Parabens防腐劑成份為大前提,避免皮膚過敏。
  • 被世界綠色組織(WGO)推介為「正面清單」嘅肌膚護理產品,通過安全測試,確認通過化學分析、成份篩查及生物測試,不含雌激素或類雌激素、超標金屬、塑化劑及其他國際禁用成份,防止皮膚敏感、影響發育或致癌問題,咁先真正安全保護到BB嘅幼嫩肌膚!
  • 注意保持皮膚滋潤,BB肌膚容易受外在環境同天氣影響而缺水,引致乾燥痕癢、敏感。當家長覺得BB皮膚乾、紅便需要補塗保濕膏,次數適當嘅話能有效改善敏感情況。保濕膏除可能持久保濕外,亦為皮膚築起屏障功能,時刻保護BB脆弱肌膚角質層,預防敏感。

*小貼士:使用新產品時,建議媽媽可以先喺BB小面積皮膚上試用,如手肘內側和耳背部位,確保無敏感、紅腫問題先全身塗抹及繼續使用。

show less