fbpx
BB尿布疹分4大類!了解成因及早護理

BB尿布疹分4大類!了解成因及早護理

BB 屁股肌膚特別嫩薄,如果尿片更換頻率唔夠加上經常接觸排泄物尿片磨擦刺激BB肌膚,出現又紅又痛嘅尿布疹。原來根據尿布疹嘅成因、患處同徵狀,可以分成4大類,各位媽媽可以留意下BB尿疹情況,再作適合嘅護理! 

閱讀全文

第1類:刺激型尿布疹
常見位置:屁股頂位
刺激型尿布疹屬接觸性皮炎,最常見係由尿液或便便等排泄物刺激皮膚而引起,BB小大便後,如果爸媽忙碌而未能及時更換尿片,尿液、便便當中嘅尿素同腸道酵素,長時間刺激肌膚,會破壞BB肌膚角質層,引起紅腫,甚至甩皮。

建議:  必須定時檢查BB小大便 勤於更換尿片至少12小時更換一次每次清潔BB屁股後都要薄薄塗上一層換片膏,用以阻隔排泄物,建議選擇不含香料同色素、容易推開塗抹嘅換片膏,以免BB幼嫩脆弱嘅皮膚敏感,而含有氧化鋅成份嘅換片膏,醫學證明可舒緩皮膚紅癢,更有效預防尿布疹。 

第2類:悶熱型尿布疹
常見位置:尿片邊位,腰、大腿摺位
呢一型尿布疹其實就係「熱疹」,因為尿片唔透氣,或者天氣太悶熱,BB出汗造成汗腺堵塞或感染。

建議應揀選吸濕力強、透氣度高、尺寸合適嘅尿片/學習褲。貼腰貼時亦唔好黏得太緊,畀BB屁股通風透氣嘅空間。如果BB易出汗,可以喺搽換片膏之後,再喺 BB腿部摺位、尿片邊位搽爽身粉液,輕拍印開,就可以令 BB皮膚保持清爽,同時預防因汗水磨擦而引發嘅熱痱 

第3類:過敏型尿布疹
常見位置:整個屁股
坊間有好多款嬰幼兒濕紙巾含有防腐劑MIT,有機會刺激BB幼嫩肌膚,導致敏感出紅疹。每當BB大小便後,爸媽如果用唔適合BB使用嘅濕紙巾幫BB清潔,就會出現過敏型尿布疹。 

建議: 挑選BB濕紙巾用嚟清潔BB 屁股,媽媽購買時一定要查看成份,揀不含防腐劑MITParabenPhenoxy-ethanol成份、含保濕成份嘅99%純水抗敏濕紙巾防止敏感剌激嘅V V濕紙巾就最安全,可以避免BB皮膚出現乾痕、過敏反應。 

第4類:感染型尿布疹
常見位置:屁股夾縫
由於屁股之間嘅夾縫位置,皮膚潮濕唔通爽(清潔後未徹底抹乾),最容易滋生「白色念珠菌」,而當一般尿疹導致皮膚角質層受損、造成傷口時,可能會令更多細菌或霉菌如鏈球菌、葡萄球菌都一併感染,形成一粒一粒嘅膿包,演變成感染型尿疹。

建議:  乾爽環境不利於細菌或霉菌生長,所以每次BB排便後,要仔細、溫和咁清潔屁股,千萬唔好大力擦拭。注意每抹一下屁股都要換一塊新嘅濕紙巾,抹嘅時候要仔細抹皺摺位。 

清潔後,換新尿片前要徹底印乾皮膚,以免留有濕氣,同盡可能畀BB皮膚喺空氣中吹乾、透透氣。如果屁股有感染、擴散跡象,已經係比較嚴重,需諮詢專業醫生意見作護理。 

了解更多有關BB換片小貼士: 

新手爸媽7個換片必要注意貼士 

搽Pat Pat,用爽身粉液?換片膏? 

為何會出尿布疹?該如何處理? 

預防/修護尿布疹,點可以只用一支換片膏?! 

show less