fbpx
BB肚瀉,如何預防同護理?

BB肚瀉,如何預防同護理?

BB腸胃消化系統尚未發育成熟,常會受細菌或病毒感染而肚瀉,如秋冬就會較易感染腸病毒如輪狀病毒,夏季則有可能受沙門士菌等感染,同樣會令BB出現肚瀉徵狀。
BB腸道不適,經常肚瀉,便便會異常稀爛且頻密,屁股肌膚更會因經常受排泄物刺激而出現尿布疹,爸媽當然感到擔心,有咩方法可以預防BB腸道受感染? BB肚瀉除咗要睇醫生,仲要點護理?立即睇下講解:

閱讀全文

預防BB腸道受感染

保持清潔衛生
BB喺成長階段,對好多事物都感到好奇,因而會用雙手去探索,更會將手中嘅物件如玩具,或自己嘅手仔放到口中,BB腸道抵抗力較低,細菌從食道進入身體,容易引發肚瀉嘔吐。
故爸媽需經常保持BB所接觸物件嘅清潔衛生外,亦建議日常以棉片沾上無香料、酒精及免過水嘅潔膚露,輕拭擦BB手仔,保持乾淨,以免因接觸污垢令腸道受感染而肚瀉。

注意餐具食物衛生
為免BB將病毒食落肚影響健康,媽媽可用專為BB而設嘅清潔液噴於奶瓶同餐具內外表面,徹底清洗污垢,而有機認證嘅清潔液,過水即淨,唔會殘留化學物於奶瓶餐具,更可確保BB安全。
BB到 6個月大,可以逐步添加固體食物時,爸媽就更應小心,食物需徹底煮熟才可畀BB食用,如半生熟嘅雞蛋、生冷食物等,亦不宜畀BB進食。

BB肚瀉護理

及時求醫並為BB補水
BB出現肚瀉徵狀,而且情況持續無改善,肚瀉之餘仲有嘔吐、便中帶血、高燒或肚痛等,就要儘快求醫,注意切勿未經專業醫護人員指示而畀BB食止瀉藥,因為不當治療可引致腸塞或肚脹等更嚴重狀況。爸媽亦應注意多為BB補充水分,以免BB因為肚瀉而脫水。

按摩舒緩肚脹不適
BB肚瀉時肚仔會有脹痛不適感覺,BB唔識表達,就會扭計哭鬧。爸媽可以暖包幫BB敷肚,或以BB專用嘅天然按摩油於掌心搓勻,摩擦至產生熱力後,用掌心以順時針方向為BB輕輕按摩肚仔,有助BB嘅腸道蠕動,排出病毒引起腸道腫脹嘅氣體,舒緩BB嘅不適。

預防引發尿布疹
肚瀉期間BB排便次數頻密,排泄物嘅濕潤環境加上尿片焗住皮膚,令細菌滋生,可能導致BB屁股紅腫發炎,從而引發尿布疹。
所以BB肚瀉時更要保持屁股潔淨乾爽,除咗要頻密啲換尿片,BB每次排便後都要用不含酒精,溫和滋潤嘅潤膚濕紙巾仔細清潔屁股,然後搽上含有效成份氧化鋅嘅換片膏作保護,阻隔排泄物及防止尿片摩擦而產生嘅敏感,然後待風乾10分鐘左右先換上新尿片,更有效預防同舒緩尿布疹。

了解更多:
Biolane洗滌用品
Biolane 清潔及換片產品

show less