fbpx
BB腰位同尿片邊經常好痕,點算好?

BB腰位同尿片邊經常好痕,點算好?

BB 2歲幾先戒片,一出世就由朝至晚長時間包著尿片,屁股皮膚受到嘅刺激係其他部位嘅好幾倍,所以好易出尿布疹;而腰位同尿片邊位亦會因為長期受到尿片/學習褲嘅磨擦,又紅又痕。
媽媽記住換片時清潔同護膚措施都要做足,並留意以下要點,BB就唔駛受痕癢、尿布疹問題困擾喇!

閱讀全文

點解BB腰位同尿片邊成日痕?
BB腰位同尿片邊位特別敏感,可能係因為尿片質料尺寸唔適合、與尿片磨擦、皮膚潮濕唔通爽(清潔後未徹底抹乾),或誤用致敏產品等原因,導致皮膚敏感痕癢,嚴重嘅更會誘發尿布疹!

尿布疹會有咩症狀?
尿布疹係嬰幼兒常見嘅皮膚炎症,尿片覆蓋嘅部位會出現紅疹,嚴重者可能出現紅腫嘅膿瘡,或蔓延至大腿位置甚至令皮膚潰瘍。如果BB屁股有唔舒服,一般會不停搖動,甚至無胃口,媽媽要多加注意呢~

點樣預防同舒緩?

1. BB每次小便或大便後應要馬上處理,初生BB一日約需要更換7至8次片,以減少排泄物細菌與BB皮膚接觸;每次BB排便後,要仔細、溫和咁清潔屁股,千萬唔好大力擦拭。

2. 坊間有好多款嬰幼兒濕紙巾含有防腐劑MIT,有機會刺激BB幼嫩肌膚,導致敏感出紅疹,所以挑選BB濕紙巾用嚟清潔BB 屁股,媽媽購買時一定要查看成份,揀不含防腐劑MIT、Paraben及Phenoxy-ethanol成份、含保濕成份嘅抗敏潤膚濕紙巾防止敏感剌激嘅V V濕紙巾就最安全,可以避免BB皮膚出現乾痕、過敏反應。

3. 注意每抹一下屁股都要換一塊新嘅濕紙巾,抹嘅時候要仔細抹皺摺位,例如大腿罅位。清潔後,換新尿片前要徹底印乾皮膚,以免留有濕氣,同盡可能畀BB皮膚喺空氣中吹乾、透透氣。

4. 應揀選吸濕力強、透氣度高、尺寸合適嘅尿片/學習褲。貼腰貼時亦唔好黏得太緊,畀BB屁股通風透氣嘅空間。

5. 每次清潔BB屁股後都要薄薄塗上一層換片膏,用以阻隔排泄物,加強保護同滋潤;搽喺腰位、片邊位, 可以預防尿片與肌膚磨擦而引起嘅痕癢不適。建議選擇不含香料同色素、容易推開塗抹嘅換片膏,以免BB幼嫩脆弱嘅皮膚敏感,而含有氧化鋅成份嘅換片膏,醫學證明可舒緩皮膚紅癢,更有效預防尿布疹。

可以用爽身粉搽BB屁股嗎?
媽媽留意千祈唔好使用傳統爽身粉搽BB屁股,因為粉末與尿液、排泄物混合後會阻塞毛孔,引起敏感同令尿布疹惡化;亦有BB可能因為當中含有嘅滑石粉成分引起敏感,令皮膚又痕又痛。
如果想令皮膚乾爽,都要避免使用傳統粉末狀爽身粉,因為其揚起嘅粉末更會從鼻孔進入BB嘅氣管,影響呼吸道健康,而不含滑石粉嘅爽身粉液就可避免呢啲因粉末影響嘅問題,亦可吸走多餘汗水,預防熱痱或汗疹,適用於幼嫩皮膚摺合位,例如頸項、手臂或腿部。
如果BB易出汗,可以喺搽換片膏之後,再喺 BB腿部摺位、尿片邊位搽爽身粉液,輕拍印開,就可以令 BB皮膚保持清爽,同時預防因汗水磨擦而引發嘅熱痱喇!

show less