fbpx
BB著發熱內衣,皮膚易乾燥或致濕疹?

BB著發熱內衣,皮膚易乾燥或致濕疹?

氣溫驟降,媽媽都會幫BB穿著禦寒衣物,亦會選擇質料薄而夠保暖嘅發熱內衣,但有皮膚科醫生指發熱衣嘅化學纖維,會將皮膚表面濕氣吸收,令皮膚變乾燥之外,亦會阻礙排汗。
BB肌膚比成人薄,亦更幼嫩,如果長期穿著會使皮膚痕癢、龜裂脫皮,油脂分泌旺盛部位真菌滋生,例如胸口、頸和背部,加重毛囊炎或濕疹情況,所以敏感或濕疹肌BB就要更加小心喇!立即睇下護理貼士啦!

Read More

1.純棉內衣打底

專家指引發BB敏感原因同發熱內衣牌子、價錢並無關係,只係發熱衣嘅化學纖維「丙烯酸酯」成份會抽乾皮膚水份同阻礙排汗,所以穿著發熱內衣前先幫BB著一件透汗、通爽嘅純棉內衣打底做阻隔,保持通爽、防止敏感,仲可以防止皮膚水份流失,預防乾燥添!

2.洋蔥式穿法

天冷時,媽媽可為BB採洋蔥式穿法,即係底層透氣,中層保暖、外層防風多層次穿著,依氣溫同BB體溫調整穿衣量。定時查看BB身體會唔會太熱可以摸摸皮膚,如果發覺有汗而且好熱,就表示著得太多衫喇,可以暫時脫去發熱衣,避免誘發毛囊炎、熱痱

3.多搽保濕膏保持滋潤

天氣乾燥,加上BB長期穿著發熱衣會抽走皮膚水份,媽媽可以適當增加搽保濕膏次數,保持BB皮膚滋潤,而特別容易乾燥的位置,如關節位及手肘等,則可多搽幾次無香料、潤而不立嘅保濕膏,以預防及舒緩濕疹。

4.徹底洗淨發熱內衣

BB肌膚乾燥龜裂,脫落嘅皮屑會留喺內衣,除咗要用經醫學測試,無刺激成份嘅BB專用洗衣液徹底清洗衣物,亦要將衣物放室外或露台曬一曬太陽,用紫外線殺死細菌,就可以照顧BB幼嫩肌膚免受額外刺激,減低皮膚過敏機會,對預防BB濕疹都有好大幫助架!

show less