fbpx
BB頭臭頭痕,仲有頭泥,要注意5件事!

BB頭臭頭痕,仲有頭泥,要注意5件事!

有媽媽問:「唔知點解BB已經日日洗頭,但都仲係有臭味?」BB頭仔有酸餿、油臭味,或者成日好痕,成因有好多,可能係頭髮唔夠清潔、有頭泥,又或者用緊嘅洗頭水刺激所致。想知點護理,大家可以睇下以下5個貼士啦!

閱讀全文

1. 勤洗、勤換BB枕頭套
炎炎夏日,若室內溫度太高,BB瞓覺時經常會熱到汗流滿面、頭髮濕濕,汗水加上BB油脂分泌旺盛會令細菌滋生,令BB發出頭臭味。所以要調節室內溫度之外,亦要注意勤洗、勤換BB枕頭套,選擇吸汗透氣嘅枕頭,令BB乾爽舒服,避免汗水、油脂長時間接觸而產生臭味。

2. 使用BB專用洗髮露
BB有頭痕、頭皮情況,可能代表正在使用嘅洗頭水太刺激,或者頭皮太乾燥,應使用ph值平衡、滋潤保濕嘅BB專用洗髮露
,每日輕輕清潔頭皮,直至頭髮上及頭皮嘅污垢完全洗淨,最後以清水徹底沖洗。尤其喺BB、小朋友出街玩完之後,滿頭大汗,更要注意頭部清潔,以免油脂及塵埃堵塞毛囊,導致頭痕出頭皮。

3. 洗髮前先梳理
為BB洗髮前,可先用寬齒細梳輕輕咁將頭髮理順,防止頭髮打結,同埋去除頭髮中嘅污垢、頭皮屑,之後用洗髮露清洗就更容易啦!

4.每日洗頭1-2次
有啲媽媽因為太在意BB頭皮嘅臭味而一日洗好幾次頭,其實咁樣反而會導致頭皮乾燥。為咗防止乾燥,毛孔會過度分泌皮脂,而氧化嘅皮脂就會成為臭味嘅根源。此外,持續使用潔淨力強嘅洗頭水,亦都會令頭皮乾燥,亦都會引起皮脂嘅過度分泌,所以最好選擇低刺激性、溫和嘅洗髮露,每日洗頭1-2次就夠喇!

5. 清走頭泥唔再臭
好多BB出生後2至3星期就有頭泥,因為BB皮膚新陳代謝迅速,死皮出現比脫落快,而且油脂腺較大和分泌較旺盛,令頭皮容易出現油膩皮屑或黃色一片片,呢啲就係
頭泥,頭泥嚴重嘅仲有一陣「酸餿」臭味。

有時頭泥清完又再出,甚至愈嚟愈厚;用橄欖油捽又令BB頭皮更加油立立,頭泥問題都無改善,更有啲媽媽會忍唔住刮、搣、捽BB頭皮,但咁好易整傷BB頭皮而發炎。

正確方法係用溫和嘅BB專用去頭泥洗頭水為BB輕輕打圈洗頭按摩,避免刺激BB頭皮,引起敏感同痕癢。洗頭之後,可搽上適量保濕膏保持頭皮滋潤。

show less