fbpx
BB 口水疹,點預防?

BB 口水疹,點預防?

BB 嘅嘴邊、臉頰一片紅卜卜、鞋鞋哋、一粒粒到底係咩?呢啲好可能係俗稱嘅「口水疹」喇!

Read More

點解會有口水疹?
口水疹,都係濕疹問題嘅一種,係皮膚接觸口水引發嘅皮膚問題,4個月大至1歲左右嘅BB,經常不自主地流口水,出牙仔時尤其會多啲。
BB 細嫩皮膚長時間接觸口水「醃住」,加上口水裡面嘅消化酵素就會刺激發炎,就會引發口水疹喇~
而周圍啲哥哥姐姐不時錫BB,將口水留喺BB臉上,都會造成口水疹架!

口水疹係點樣架? 出現喺咩位置?
口水疹主要集中喺BB容易沾上口水嘅地方,好似嘴邊、兩頰或下巴發炎情況會最為明顯,不過頸仔,甚至胸口、上身等易接觸到口水嘅部位都會出現架! 發炎位置會乾燥、痕癢、紅腫,仲會出現一粒粒小紅疹。

想預防同舒緩口水疹,可以留意以下5點:
1. 雖然BB好得意,臉珠紅卜卜,想錫錫佢,但都唔好成日亂錫呀! 或者錫完記住抹乾淨啦~
2. 盡量保持皮膚乾爽,媽咪可用清潔綿片或乾毛巾輕輕印走BB嘅口水,切記唔可以用力擦拭,但亦唔駛太頻繁咁擦。
3. 適時塗抹抗敏保濕膏做保護,薄薄而均勻咁搽,可防乾止紅止癢,同時預防敏感。
4. 吸吮奶嘴會令口水量增多,因為吸吮奶嘴時口水會往嘴邊擴散,沾濕嘅範圍加大。所以如果想預防口水疹,就要盡量少畀BB吸吮奶嘴。
5. 當症狀持續1星期無改善,且越嚟越紅、範圍越嚟越大時,就應該睇醫生喇~

show less