fbpx
BB 頭泥生到眼眉、耳仔邊都係,點算好?

BB 頭泥生到眼眉、耳仔邊都係,點算好?

有媽媽好擔心問:「BB 頭泥又厚又多,生到眼眉、耳仔邊都係,點算好?」其實好多初生BB都有頭泥,黃色一片片咁,但唔好以為頭泥只出現喺BB頭皮上面,原來一啲皮脂腺較多嘅部位如前額、眼眉同耳緣位置都會有,媽媽幫BB清潔時要特別小心留意喇!

頭泥有時剛剛清完又再出,甚至愈嚟愈厚;用橄欖油捽又令BB油立立,頭泥問題都無改善,更有啲媽媽會忍唔住刮、搣、捽BB嘅頭泥,但咁樣好容易刮損BB,令皮膚發炎呢~

咁點處理先好?大家睇睇以下講解啦~

閱讀全文

點解BB會有頭泥?
BB皮膚新陳代謝迅速,死皮出現比脫落快,而且BB油脂腺較大同分泌較旺盛,令頭皮、皮膚容易出現微紅、油膩的小薄片或黃色鱗屑,呢啲就係頭泥喇(學名「脂溢性皮膚炎」)。

頭泥用橄欖油捽有無用?
大家最常聽到去頭泥方法都係用油捽走,但其實橄欖油嘅作用係軟化頭泥,令頭泥更易清走,如果只直接用橄欖油嚟捽,而頭泥又厚又多,就難以徹底去清;而且會令BB頭皮油立立,更加重頭油味。
想軟化頭泥,媽媽可選擇溫和不刺激嘅嬰兒杏仁油,可以喺BB洗頭前,用棉片/棉花沾上杏仁油,再塗上頭皮輕輕打圈按摩及敷10-15 數分鐘,待頭泥軟化,再用去頭泥專用嘅洗髮露洗走,頭皮就唔會咁油立立,亦更有效去清頭泥。

應該點護理?
要加快清除同防止頭泥再生,就要配合用去頭泥專用嘅洗髮露,用打圈方法為BB輕輕洗頭按摩,再用軟毛刷輕力清理黏著髮上嘅頭泥。但必須慎選性質温和、含滋潤保濕成份嘅去頭泥洗髮露,以免刺激BB頭皮,引起敏感和痕癢。而每次洗頭後應抹乾水分,再薄薄塗上適量非油性、潤而不立嘅保濕膏滋潤皮膚。
如果BB面、眼眉同耳側位置有頭泥,媽媽亦可以用杏仁油敷15分鐘,等頭泥軟化咗,再用濕水棉花、棉花棒或紗巾沾少少洗髮露,輕力打圈按摩有頭泥位置,最後以清水洗淨就可以喇!而之後再搽保濕膏,更有助保護肌膚,防止敏感痕癢。

頭泥並唔會單靠一次清潔就全部消失,積聚已久而厚嘅頭泥更要花時間去清,所以媽媽唔好心急,千祈唔好刮、搣、捽頭泥令皮膚受損,而係要持之以恆幫BB用去頭泥洗髮露清潔,頭泥就會漸漸消失喇!

show less