fbpx
Biolane MaMa專訪:在職孕媽媽Winnie

Biolane MaMa專訪:在職孕媽媽Winnie

孕媽媽Winnie係返朝九晚六,有突發新聞就24小時on call嘅娛樂小編,依家BB喺肚裡面 36週喇!

閱讀全文

挺住大肚返工嘅Winnie懷孕初期已出現身體變化,經常瘋狂孕吐:「高峰期一日嘔15次,真係嘔到胃抽筋,有啲人話3個月後就無事但唔係必然嘅,我都嘔到成5個月,果時真係要靠正能量去面對,做定心理準備嘔到入產房,早咗完結當Bonus,但因為食咩嘔咩,我最擔心BB唔夠營養,所以明知會嘔到七彩都會努力去食嘢,最緊要BB吸收到足夠營養,健康出世呀!」

除咗孕吐,懷孕後期荷爾蒙變化更影響到Winnie筋膜發炎,手腳腫痛,之前佢間中會做Freelance活動主持、拍片錄音等,但因為唔可以企得耐,所以暫時做唔到婚禮司儀住喇~ 佢話有時連拎起電話掃都痛,仲痛到落唔到床返工,辛苦到情緒低落喊爆,雖然Winnie身體唔舒服,但佢都想繼續工作:「因為我覺得做嘢反而可以分散注意力,唔使喺屋企亂諗嘢,而且好彩同事都好體諒,佢哋會叫我唔舒服快啲返屋企休息。同埋真係要多謝老公支持我,有時上落床都要佢扶,同埋開解我好多。」

雖然打從懷孕起Winnie就已經要面對好多唔同嘅挑戰,但佢已經有晒心理準備湊B比陀B仲辛苦。BB下個月就出世,新手媽媽Winnie一早入「媽媽谷」Bookmark晒坐月、湊B攻略:「宜家身邊有10個朋友大肚,9成朋友都有入媽媽谷,話題除咗 BB展、去邊度生B,仲有產後修身、湊B、餵母乳心得等等,好多經驗分享,一日過千Message好正常。」有其他媽媽戰友互助互勉,情緒上都係好大嘅支援,但Winnie 笑言: 「旁觀者清,當局者發神經。雖然做晒資料搜集、聽好多人嘅經驗心得,但到時入產房、照顧BB都真係會不知所措,希望到時唔會情緒失控啦!」

BB出世之後,Winnie 話打算繼續工作:「我覺得做Working Mom定全職湊B,大前題都係為咗BB好,同最緊要係兩夫妻溝通。BB出世開支大,經濟方面都係我嘅考慮,所以我想繼續工作,唔請工人姐姐,麻煩屋企老人家幫手照顧BB。而且雖然我唔係事業心好重嘅人,但我覺得工作令我有Me time自己私人空間。不過我依家咁諗咋,都唔知到時捨唔捨得放手架~」

Biolane MaMa自己都係Working Mom,好明白做在職媽媽唔容易,產前、坐月同產後都有好多辛酸事同犧牲取捨。
都係Working Mom嘅妳又點做到工作家庭平衡呢? 留言分享下心得,幫Winnie打打氣吖~

show less