fbpx
BB有頭泥,應該點處理?

BB有頭泥,應該點處理?

身邊有位媽媽朋友啱啱生咗BB,頭仔有好多頭泥,黃色一片片咁,成日好痕又搲損,仲一陣酸餿臭味,最近仲蔓延到眼眉、耳仔添!呢位媽媽試過好多方法都唔work,聽人講用橄欖油捽,結果令BB頭皮油立立,頭泥捽走過但好快又生返,甚至愈嚟愈厚,更加重頭油味,真係好難搞。

閱讀全文

記得以前有位兒科醫生曾經同我分享過去頭泥心得,我跟住做之後細B啲頭泥真係可以清走晒-其實秘訣係要軟化頭泥,之後清走頭泥!

軟化頭泥
大家最常聽到去頭泥方法都係用油捽走,但其實橄欖油嘅作用係軟化頭泥,令頭泥更易清走,但只直接用橄欖油嚟捽,而頭泥又厚又多,就難以徹底去清。
要軟化頭泥,我會喺BB洗頭前,先噴三下Biolane甜杏仁油喺掌心,再搽喺有頭泥嘅位置,輕輕打圈按摩同敷10-15 分鐘,因為呢支甜杏仁油係噴霧裝設計,用喺上嚟好方便,可以輕易控制份量又唔會整到周圍油淋淋,甜杏仁油更有舒緩敏感、消炎作用,而且都好易吸收呢~
而如果BB頭泥已經積到好厚、好大塊,就要敷耐少少喇~

清走頭泥
敷完甜杏仁油之後,可以見到BB頭泥開始軟化同易甩出,但呢個時候大家要忍下手,千祈唔好即刻用手搣頭泥,因為咁有機會會扯走埋BB幼嫩嘅頭髮架!
要徹底去頭泥,就要敷完甜杏仁油,以棉塊輕輕抹走後,配合用有蜜糖成分嘅溫和洗髮露,用打圈方法為BB輕輕洗頭按摩,再用軟毛刷輕力清理黏著髮上嘅頭泥,頭皮唔會咁油立立,亦更加快清除同防止頭泥再生。
如果BB面、眼眉同耳側位置有頭泥,媽媽亦可以用甜杏仁油敷10分鐘,等頭泥軟化咗,再用濕水棉花、棉花棒或紗巾沾少少洗髮露,輕力打圈按摩有頭泥位置,最後以清水洗淨就可以喇!

保護頭皮
有啲BB頭皮仲好乾同甩皮,或者敏感發紅,媽媽可以洗完頭後印乾水分,薄薄地搽非油性、潤而不立嘅抗敏保濕膏做好保護,為頭皮保濕,同時減少過多皮脂分泌,BB頭皮就唔會再乾燥痕癢喇~

頭泥並唔會單靠一次清潔就全部消失,積聚已久而厚嘅頭泥更要花時間去清,所以媽媽千祈唔好心急用力刮、搣、捽BB頭皮試圖清除頭泥,因為咁會刮損BB幼嫩皮膚,導致細菌感染發炎,而且有機會會扯走埋BB頭髮。
我朋友BB就試過用甜杏仁油+溫和洗髮露呢個方法幾次,頑固嘅頭泥都清得七七八八,頭仔仲香咗無以前咁臭,有同樣煩惱嘅新手媽媽都可以試下啊~

show less