fbpx
Biolane MaMa 玩樂推介:不可錯過的3個日本牧場!

Biolane MaMa 玩樂推介:不可錯過的3個日本牧場!

5月天氣特別好,Biolane MaMa鐘意帶小朋友去旅行放鬆下,尤其會去日本牧場同大自然親密接觸,睇下動植物、餵下羊咩咩、擠牛奶、摘水果,令小朋友認識大自然,培養對小動物嘅愛心,享受陽光盡情玩。

我哋一家大細多數會去日本嘅牧場,因為面積大、完全唔會人迫人,乾淨企理,配套又好,而且裡面有好多趣味、知識體驗,小朋友可以喺玩樂中學嘢,更加充實。以下介紹3個日本牧場,都可以玩足成日,去日本plan行程可以bookmark去埋啊!

閱讀全文

1. 東京近郊最人氣-母親牧場Mother Farm(相片來源:母親牧場官網)

母親牧場係東京近郊千葉縣知名嘅牧場,寬闊園區成個山頭咁大,配套完善,包括有動物、賞花、採摘、動手體驗、遊樂園、美食、購物、露營區。亦有好多得意嘅表演節目,例如由牧羊人同牧羊犬一齊趕羊嘅綿羊大遊行、鴨仔大巡遊、賽豬場、剪羊毛 Show等,玩上兩三日都唔會悶!(相片來源:母親牧場官網)牧場另一特色,就係一片片嘅花海,黃澄澄嘅油菜花、粉紅矮牽牛美景隨四季變化,至啱同小朋友影相留低開心回憶!

仲有咩玩:近距離餵食草泥馬、綿羊,同兔仔、猪鼠抱抱拍照,體驗騎馬、擠牛奶、製作牛奶雪糕、採摘小番茄藍莓等。
點去:由東京出發,乘坐JR内房線至「君津站」,轉搭接駁巴士直達 (接駁巴士需預約),需時約2小時
入場費:大人(中學生以上)1500日圓,兒童(4歲至小學6年級)800日圓
地址: 千葉縣富津市田倉940-3
電話: +81 439-37-3211
官網: www.motherfarm.co.jp/ Facebook: motherfarm


2. 牛牛大本營- 成田夢牧場(相片來源:成田夢牧場官網)

鄰近東京成田機場嘅成田夢牧場,係日本最大嘅乳製品觀光牧場。早喺1887年,已經開始專注於生產奶製品,所以嚟到當然要參加牛媽媽擠牛奶教室、參觀乳牛舍、牛舍分娩室,仲要品嚐牧場製作嘅雪糕同乳製品,唔止特別好味,仲係支持當地農場嘅好方法呢!牧場嘅另一邊,仲有廣闊嘅油菜花田,到夏天7月到9月向日葵花盛放,一片黃色花海非常壯觀。(相片來源:成田夢牧場官網)5月下旬有種植紅薯活動(需網上預約)

仲有咩玩:小朋友可以參加帶羊散步、小鴨賽跑、騎小矮馬、餵山羊綿羊等同動物親密接觸嘅體驗活動。此外牧場仲會因應季節舉辦摘花、採摘蔬果活動(需預約),另外設有野外露營、BBQ區,一家大細可體驗野外樂趣。
點去:搭乘JR成田線千葉方向,於「滑河駅」下車,搭乘免費接駁巴士,10分鐘可抵達。
入場費:大人(中學生以上)1400日圓,兒童(3歲以上)700日圓,3歲以下免費
地址: 千葉県成田市名木730
電話: +81 476-96-1001
官網:www.yumebokujo.com/  Facebook: yumebokujo


3. 150種小動物全接觸-大阪世界牧場(World Ranch)(相片來源:大阪世界牧場官網/Facebook)

大阪世界牧場係關西最大嘅觀光牧場以人與自然、動物嘅互動為概念場內有近150種動物,包括馬、狗、貓、刺猬、陸龜、倉鼠、浣熊、水豚、鸚鵡、貓頭鷹等數都數唔晒,都係可以近距離接觸或餵食。場內特別飼養咗海豚同鯨魚,除咗可以睇表演,仲可以觸摸同握手。(相片來源:大阪世界牧場官網)牧場設有貓狗互動區,有約40隻唔同品種嘅狗狗、25隻貓貓可以畀大家抱抱互動。最特別嘅「狗出租」體驗活動,可以畀鍾意狗狗但屋企唔可以養嘅小朋友,喺公園同狗狗玩同散步,體驗一下做小主人嘅感覺。

仲有咩玩:小朋友可以體驗騎馬、擠牛奶、帶羊散步、撿拾剛下嘅雞蛋等。走入放牧區更加可以零距離觸摸小動物,自由影相同餵養。
點去:大阪市近鐵長野線「富田林站」南口搭乘路線巴士(金剛巴士)於「櫻坂1丁目」巴士站下車,步行約10分鐘。
入場費:成人(中學生以上)1500日圓、兒童(3歲以上)800日圓
地址:大阪府南河内郡河南町白木 1456-2
電話:+81 072 193 6655
官網:www.worldranch.co.jp Facebook:worldranch.japan


小朋友喺牧場跑跑跳跳,玩到成身大汗、曬到紅卜卜,搞到出熱痱同曬傷就麻煩喇!Biolane MaMa除咗會幫小朋友戴定太陽帽、追住佢哋抹汗之外,仲會帶定爽身粉液同防曬霜傍身。
防敏爽身粉液簡直係吸汗救星,因為小朋友特別大汗,一熱就成身濕晒,用咗呢支爽身粉液吸走過多汗水,唔再立黐黐,就無咁易出熱痱啦!

*提提大家,搽防曬霜,除咗面、手腳之外,唔好忽略後頸、耳仔、雙手內側都要搽,同埋注意如果搽得唔夠或者唔均勻,都有機會曬傷架!

show less