秋天乾燥，BB痕癢、敏感、出濕疹，點護理? 秋天乾燥，BB痕癢、敏感、出濕疹，點護理? 秋天天氣反覆又乾燥，幼嫩嘅BB肌膚水份易流失，面仔、頭皮又乾又痕、易敏感，更加係出濕疹、尿布疹嘅高峰期，見到BB成日忟憎𢯎痕，抓到損晒，又瞓得唔好，令媽媽好心痛呀！ 以下就總結咗媽媽遇到嘅4大疑難，同介紹一系列沐浴洗髮同護膚產品，幫BB全面解決秋季肌膚問題，皮膚靚靚心情好！
天氣乾燥，BB面仔手腳爆拆點護理? 天氣乾燥，BB面仔手腳爆拆點護理? 近排天氣乾燥，加上冷風吹或室內開暖爐，好多BB面仔手腳皮膚出現脫皮、繃緊、發紅等爆拆症狀，經常周身郁或抓癢，反映BB皮膚嘅保護屏障出問題，常見係皮膚缺乏水份、唔夠滋潤造成。 皮膚乾燥爆拆看似係小問題，但如果處理不當，BB抓傷會增加細菌感染風險，亦好可能演變成濕疹！所以媽媽千祈唔好掉以輕心，立即睇下護理嘅方法啦～