BB頭泥係新手媽媽最關注嘅皮膚問題之一，好多BB出生後兩至三星期就有頭泥，黃色一片片，好似頭皮又好痕，嚴重嘅仲有一陣「酸餿」臭味。究竟頭泥形成有咩原因？咁點先可徹底清走？大家睇睇以下關於BB頭泥嘅5個常見問題啦~

有媽媽好擔心問：「BB 頭泥又厚又多，生到眼眉、耳仔邊都係，點算好?」其實好多初生BB都有頭泥，黃色一片片咁，但唔好以為頭泥只出現喺BB頭皮上面，原來一啲皮脂腺較多嘅部位如前額、眼眉同耳緣位置都會有，媽媽幫BB清潔時要特別小心留意喇！ 頭泥有時剛剛清完又再出，甚至愈嚟愈厚；用橄欖油捽又令BB油立立，頭泥問題都無改善，更有啲媽媽會忍唔住刮、搣、捽BB嘅頭泥，但咁樣好容易刮損BB，令皮膚發炎呢~ 咁點處理先好？大家睇睇以下講解啦~